ISTÒRI DE LA SOUBEIRANETA EN PROUVÈNÇO

Quand l'Empèri de CHARLE-MAGNE esclato en 843 au tratat de Verdun,

la Bourgogno fuguè desparteja en Bourgogno Transjurano e en Bourgogno Cisjurano.

La Prouvènço faguè partido d'aquesto darriero.

La debuto dóu grand fièu couneigu sout lou noum de Coumtat d'Arles ou de Prouvènço soun forço escur...

A la mort de Louis II le Bret, BOSON (soun ouncle) que gouverna la Prouvènço,

se faguè elegi Rèi d'Arles , de Prouvènço e de la Bourgogno Cisjurano au councile de Mantaille (Drome) en 879.

Sis nebout ié disputèron aquest' usurpacioun.

BOSON, finfinalo desbouta, faguè roumage de sis estat à l'Emperaire Charle III lou Gros,

qu'avié restabli sus soun cap la triplo courouno de FRANÇO, d'ITALIO e de GERMANIÉ .
Es d'aqui que vendrien lis demandado de soubeiraneta dis emperaire germanico sus la courouno de PROUVENÇO.

Aquesto douminacioun, bèn que teourico ne fini qu'eme l'Emperaire d'Allemagno Charle IV quand acourdavo lou titre e lis poudè de l'emperaire rouman sus lou Reiaume d'Arles e de Prouvènço au Dauphin ( futur Rèi de Franço Charle VI ) en 1378.

Aquelo segnourage de tres siecle e miejo fuguè fèbre-countùni countesta pèr lis veritable amenistradou de la prouvinço :   
Lis Comte de Prouvènço













 

La proumièro oustau de Prouvènço : Lis "BOSON"(916-1112)

BOSON (Ier) es counsidera coumo lou veritable proumié comte de Prouvènço, mau-grat que soun règne fugue countesta.
En 916, sarié esta l'ome que teniè le fièu du Coumtat d'Arles . (Mai fau pas lou mescla emé lou Rèi usurpaire dóu meme noum qu'ai parla à la debuto ).

Es un de sa parentèlo, BOSON II que ié sucediguè à sa mort (948?) : soun autorita s'espandiguè dis Aups au Rose e de la mar à l'Isèro...

Avié dous fiéu (Guihèn e Roubaud) ma fuguè l'einat que ié sucediguè en 968 sout le noum de GUIHÈN Ier : subre-nouma lou Liberatour, lou Grand vo lou Paire de la Patrìo, embandiguè lis sarrasin qu'avien desbarca devers l'an 890 dins lou gou de Sant Troupè e qu'èron mounta enjusqu'au Dóufinat.
Après mai que d'uno vitòri, parveniguè à ié peri dins sis fourtaresso dóu "Fraxinet" ( La Gardo Freinet ?).
Distribuè pièi lis tros de bèn qu'avié counquist au clergié e à sis óuficié : Es d'aqui que dato en Prouvènço, mai tard qu'autro-par en Europo, la féudalita.

Mouriguè en 992, sout la vèstido mounastico, entre lis bras de Sant Mayeul, Abat de Cluny.
Son fils, GUIHÈN II lou Pious, ié sucediguè, sens grande envergaduro, de 992 à 1018 .

A sa mort, sis dous fièu, GUIHÈN III e GEOFROY, gouvernèron la Prouvènço coumo un fièu indivis.
Mai à la mort de Guihèn III, en 1054, fuguè divisa en Coumtat de Prouvènço e Coumtat de Forcauquié pèr lou partage entre lis divers eiretié.

Lou fiéu de Geofroy, BERTRAND, prenguè sa seguido en 1063 e transpourtè sa residènci d'Arles en Tarascoun.
Durant la lucho duberto entre lis Emperaire Germanico e lis Papo, Arles e Avignoun prouclamèron soun independènci.
Tres coumtat se counstituèron alors : Prouvènço (Arles) , Forcauquié, Vénasque (Lou Coumtat) (Avignoun)

Es sa sorre, GERBERGE, e lou mari d'aquelo d'eici, GILBERT, qui eireteron dóu Coumtat de Prouvènço.

Sa chato einado, Etienneto, espousè lou seignour dis Baus dóu tèms que la cadeto, Douce,
se maridè emé Ramoun-Berenguié, Comte de Barcelone, que prenguè lou titre de Comte de Prouvènço en 1112.
L'oustau dis Baus anè disputa partènt d'aquest moumen lou trone à n'aquello de Barcelouno...















 

La dinastìo dis Berenguié (1112-1130)

RAMOUN-BERENGUIÉ (Ier) faguè la guerro au Comte de Toulouso, mèstre dóu Coumtat,
e óuteniguè en 1125 que lou Rose e la Durènço aterminon sis estat em' Avignoun en soubeiraneta indiviso.

A sa mort en 1130, soun fièu cadet , BERENGUIÉ-RAMOUN (Ier), eiretè de la Prouvènço.
Es alor que Ramoun dis Baus prendiguè lis armo contro èu pèr faire valé lis dré de sa femo, Etienneto
Fuguè tua à Melgueil en 1144 et soun fièu, RAMOUN-BERENGUIÉ II, èro alors forço jouine pour prendre sa seguido.

La régenci fuguè dounc apratica pèr son ouncle, Ramoun-Berenguié de Barcelouno que ié diguè lou Vièi .
Aquest darnié fuguè victorious pèr très cop (dont en 1156 e 1161) sus Ramoun dis Baus e rendè oumage à l'Emperaire d'Allemagno, Conrad III.
Lis castèu dis Baus e de Trinquetaillo fuguè rasa mai finfinalo, RAMOUN-BERENGUIÉ II espousè Richilde, chato de l'Emperaire Frédérì Ier Barberousso.
Fuguè tua en 1166 au siège de Niço en ne leissant pas de fièu e sa vèuso se remaridè emé lou Comte de Toulouso...
ANFOS (Ier), fièu de Ramoun-Berenguié lou Vièi, venguè alor en Prouvènço lucha durèn dès annado contro l'Oustau de Toulouso.
Impausè ansin sa segnourage aux Coumtat de Forcauquié, de Castellano et à Niço.
A sa mort en 1196, lou Coumtat de Prouvènço avié forço aumenta soun poudé.
Es partènt de èu qu'en souveni dis princes Berenguié que lou blasoun de la Prouvènço pourtara lis armo d'Aragoun-Catalougno.
Soun fiéu, ANFOS II ié sucediguè sus lou trone dóu tèms que la Catalougno e l'Aragoun èron counfia à Pèire Ier, soun fraire.
Aguè à lucha contro la coualicioun dis oustau de Toulouso, dis Baus et dóu Vienois qui ié disputè lou Coumtat de Forcauquié.
Quatre pau de rouge sus founs d'or
A la mort de son paire en 1209 , RAMOUN-BERENGUIÉ III n'avié que nòu annado e fuguè dounc soun ouncle, Pèire Ier d'Aragoun, qu' assegura la regènci.
Es en aquèu tèms que Pèire de Castèunau, legat dóu Papo manda dins lou Mièjour pèr lucha contro l'érésio dis Catare, fuguè assassina à Trinquetaillo le 8 janviè 1208.

Lou Papo Innoucènt III acusè Ramoun VI de Toulouso d'avé prépara aquèu crime et apelè à la "crousado" lis baroun dóu Nord contro lis Catare dins aquello Pèire Ier fuguè engaja, bèn a malo, au coustat dóu Comte de Toulouso.
Aquello "crousado" durè de 1209 à 1229, pountanado à-n-aquello la vèuso dóu Rèi de Franço (Louis VIII), Blancho de Castillo signè lou Tratat de Paris emé Ramoun VII de Toulouso.
Mai Ramoun-Berenguié III, èu, s'èro renja sajamen dóu coustat dóu Pape et dóu Rèi de Franço, counseilla en acò pèr soun ministro, Romée de Villonovo.
A sa mort en 1246, leissè par testamen lis Coumtat de Prouvènço et de Forcauquié à sa chato Beatris, mouié de Charle d'Anjou qu'èro l'un dis fraire de Louis IX, Rèi de Franço.














 

La proumiero Oustau d'Anjou (1246-1382)

Egalamen Rèi de Naplo et dis Dous Sicilo, CHARLE Ier èro un ome à l'ambicioun desmesurado :

Pèr èu la Prouvènço n'èro qu'un marcho-pèd pèr ajougne d'astrado mai auto...

Aguènt aquista dis dré sus l'Empèri d'Óuriènt, croumpè lou reiaume de Jérusalem à la darnièro descendènto dis Lusignan et faguè partido de la 8enco Crousado ounte mouriguè Sant Louis.
En Italio, sa crudelita dins la vitòri prouvouquè lis terrible massacre de Palermo en 1282 ("Vêpres Siciliennes").
Pèire d'Aragoun ié aguènt pris la Sicilo, mouriguè à Foggia (Pouilles) en 1285.

Soun fièu, CHARLE II lou Goi, ié sucedè en titre ma prisounnié, ne recoubrè sa liberta qu'en 1288 gràci au Rèi d'Anglo-terro, Audouard Ier.

Prenènt la seguido de soun paire à sa mort en 1309, ROUBERT fuguè un Rèi sage, saberu e libérau.
Aguè à lucha en Italio contro lis pretencioun de l'Emperaire d'Allemagno, Enri VII, pièi de Louis de Bavièro.
Soun poudè aumentè emé lis revers de sis aversàri.
Paire en Prouvènço dis counseil municipau, proutectour d'esclaire dis Art et dis Letro ( Pétrarco fuguè counvida à sa cour), mouriguè en 1343 :
Ié disè alor Roubert lou sage.
Sa feleno, JANO, Coumtesso de Prouvènço et Rèino de Naplo, vendè Avignoun au Papo Clemènt VI pèr 80.000 flourin d'or en 1348.
Acusado dóu muertre de soun ome, Andrièu, se disculpè davans la cour pountificalo.
Se remaridè em'acò emé lou prince de Tarento, pièi emé Jaume d'Aragoun e finfinalo emé Othoun de Brunswick.

N'aguènt pamens agu aucun enfant de sis quatre unimen, assurè la sucessioun de soun Reiaume en proumié au proufié de soun nebout Charle Duras,
pièi en favour de Louis d'Anjou, segound fièu dóu Rèi de Franço Jan II lou Bon.
Assieja dins Naplo pèr soun nebout despuia, se rendeguè avant l'arribado de soun fiéu adóutièu .

Soun nebout ié faguè estoufa entre dous matalas au castèu de Muro lou 29 de mai 1382 avant d'èstre èu meme tua en 1386.

 














 

La segoundo Oustau d'Anjou (1382-1481)

LOUIS Ier d'ANJOU rempourtè uno grando vitòri dins lou Reiaume de Naplo pièi, abandouna pèr sis troupo, mouriguè desespera à Bari en 1384.

LOUIS II n'avié que vuech' ans à la mort de son paire... 
Es dounc sa maire, Marìo de Blois, qu'eisercè la regènci.
Faguè èu meme tres espedicioun en Italio (1407,1409,1410).
Sout soun règne, lou Coumtat de Niço, Puget-Théniers et Barcelonette se dounèron au Comte de Savoio.
Mouriguè à Angers en 1417.

Soun fièu, LOUIS III, countinuè la lucho en Italio contro Anfons V d'Aragoun,
que Janello (sorre de Ladislas de Hongrie) avié adoupta coumo eiretié dóu Reiaume de Naplo.
L'eiretié estènt toumba en disgràci, la chabènco parèissè un moumen sourida au Angevin mai pèr gaire de tèms dans un eternau jo de basculo favorisènt adès lis comte de Prouvènço adès aquéli de Barcelouno .
Mouriguè en Calabro lou 25 de novembre 1434 e soun fraire, REINIÉ Ier, ié sucediguè aguènt peravans eireta dóu Coumtat de Bar e dóu Ducat de Lorraine.
Mai lou sire de Vaudemont e lou Duc de Bourgogno ié batèron e ié faguèron prisounnié.
Èro dounc captièu quand aprenguè la mort de soun fraire Louis, Comte de Prouvènço e de Janello, Rèino de Naplo.
Aguènt caramèn recroumpa sa liberta, se faguè recounnèisse Rèi de Naplo e luchè durant tres ans contro Anfons V d'Aragoun (1439-1441).
Assieja dins Naplo pèr soun aversàri, parveniè à s'enfugi, rentrè en Prouvènço e metiè soun espaso au service
de soun bèu-fraire, lou Rèi de Franço Charle VII, se troubènt quàuqui fès sus lis meme camps de bataio que Jano d'Arc.
Après la mort de sa mouié Isabeau (Duquesso de Lorraine),
se maridè emé Jano de Lavale se recampè en Prouvènço dóu tèms que soun fièu, Duc de Calabro, perdiè à jamai lou trone de Naplo.
Despouia dóu Ducat d'Anjou pèr Louis XI pèr dis resoun poulitico, se fissè à z'Ais.
Pèr soun testamen en 1474, instituè son nebout, Charle, eiretié de sis Reiaume, Coumtat e Ducat.

Soun ministro, Palamède de Forbin, en ié counseiant ansin entrevesié la poussibilita de réalisa un proujèt car à Louis XI :  
 Réestaca la Prouvènço à la courouno de Franço.
Quand il mouriguè à z'Ais lou 10 de juilet 1480, fuguè regreta pèr toutis sis sujèt que ié diguèron lou "Bon Rèi Rèinié" qu'es devengu pèr l'istòri.














 

Malautièu, CHARLE III dóu Maine ne sucediguè à soun ouncle que pèr dès-e-sèt mes...
Testè à Marsiho en favour de Louis XI lou 10 de desèmbre 1481, sèmpre sus la recoumandacioun de Palamède, e mouriguè lou lendeman...

D'aquesto darnièro dinastìo d'Anjou, la Prouvènço counservara lis armo d'Anjou-Prouvènço,
  de-coumpagno emé aquelli de l'Oustau d'Aragoun-Catalougno dis Berenguié.
Partido à dreche à uno flour de lys d'or sus Camp d'azur susmounta d'un lambel de rouge à tres pendènt
à gauche quatre pau de rouge sus founs d'or

L'eiretié franchimand e sis sucessour dèuriè s'engaja, segound lou testamen, à :
  " Maintenir le Comté de Provence, celui de Forcalquier et les autres terres adjacentes dans leurs libertés, coutumes et loi fondamentales ".

Teniguèron generalamen paraule finqu'en 1789 ounte lou Coumtat de Prouvènço rejougnè realamen lou territòri de la Franço lor de la Revoulucioun.

Bibliougrafìo :
- E.DAVIN: Pichoto istòri de la Prouvènço, 1942
- P.AUDIBERT: Istòri dis comte de Prouvènço, Rèi de Sicilo e de Jerusalèn, 1969


Pour tous renseignements complémentaires, vous pouvez contacter