La Santo-Baumo

Barrado au publi en mars de 1998...

La Santo-Baumo a toustèm enchuscla li gènt.
Fai partido integranto de l'istòri dóu massis que i'a baia soun noum, despièi la niue di tèms es estado un naut liò de roumavage prouvènçau couneigu de l'óuroupo touto e bessai dins d'àutris païs.
De grando perounalita tau que Francès premié, Louis lou quatorgen, soun vengu dins aquest endré drud d'un passat ufanous, aquets liò a toujour fa veni de mouloun de gènt, lou paire gardian dis que cado annado 200.000 roumièu anavo enjusqu'a la Baumo.

Malurousamen, lou 6 de mars de 1998, lou Conse de la coumuno dóu Plan d'Aups decido de barra la Baumo au publi encauso de devalado de peiro, fau espera lou mes de jun de 1999 pèr que d'obro de restauracioun de la barro pousquèssoun enfin acoumença mais dins lou bon dóu mes de juiliet un auvàri vèn tout arresta !
La dubertuo previsto pèr lou 15 d'avoust 1999 es remeso à n'uno dato pousteriouro !

 De que s'es passa ?

Eisisto un roucas que se dis "Lou Det de Dièu" qu'es en subaumaduro dis escalié, devié èstre leva à cha un moussèu pèr daut de la barro.
Mai dóu tèms d'aquesto ouperacioun de tros de roucas an toumba e an arrouina seriousamen li batimen, lis escalié e tambèn li muraio de soustenamen.

© Lou Faydit de Sant-Baumen

 

 

 
 Despièi aqueste jour, tout es resta ansin ! © Lou Faydit de Sant-Baumen

© Lou Faydit de Sant-Baumen
  Fau assaupre que li bastimen e la Baumo apartènon à la coumuno,

alor que la barro es la prouprieta de l'Estat, vo pulèu dóu menistèri de l'Agriculturo.

Aquest'estamen a baia touto meno de difficulta, es pèr acò qu'aro la represo de l'obro resto tant longo.

Pèr tout acò, l'Ecomuséum de Santo Baumo, Lou Mouvamen Prouvençau, Parlaren Santo-Baumo, Prouv-edic e tambèn d'àutris assouciacioun de Prouvèço se soun boulegado de longo pèr que la prouceduro fague avans.

L'Ecomuséum pèr lou vint-un de juilet de 1998 a fa emé lis assouciacioun uno counferènci de presso tengudo sus lou camin de la Baumo,

avèn souligna lou desfèci ecounoumi tras que grèu que venguètoumba sus lie ativeta dóu massis.

Fasié mestié en aquest moumen de demanda imperativamen is autourita de reprendre lèu-lèu l'obro fin de reabilita l'endré.

L'Ecomuséum e tambèn lis assouciacioun culturalo an pica à la porto de l'O.N.F. en n'aquelo di catau d'Estat, de la coumuno dóu Plan d'Aups, de l'Evescat,

di Counsèu Regiounau e Generau, dóu Mouvamen Coumpagnounico e dis autris coumuno à l'entour dóu massis.

Es esta demanda que la segureta di moblo de la Baumo sieguèsse preso en counsideracioun.

Lou 20 de mai de 2000, uno nouvello counferènci de presso es estado engimbrado pèr lis respounsable dis assouciacioun , la questioun de la reduberturo èro un cop de mai à l'ordre dóu jour.

Es esta di :
" Es quant meme malurous que l'administracioun siegue tant longo pèr se boulega ", dins aquest moumen, i'agué ges de resoun a n'aquèli bono nouvello, parèis que la situacioun anarié de l'avans, lou travai dèu reprendre à la primo de 2001."

" Aro sian à la primo ", lou finançamen coumplementàri soun lèst (5 millioun de franc).

Es-ti que la messo de miejo niue sara dicho dins lou sanctuàri pèr Nouvè ? Es ço que cadun espero, cresènt o mescresènt .

Bessai que Mario-Madaleno e Sant Meissimen moustrarèn miracle, s'ès bèn verai que li lagremo de la Santo rajon dins la Vèuno, segur pecaire a tras que ploura la Santo despièi aquest auvàri bord que la Vèuno a jamai agu tant d'aigo.

Lou Faydit de Sant-Baumen


Mai Vuei...