JEAN-MARC COURBET
DESPARTIDO D'UN AMI.

Es emé tristour e doulour qu'avèn après la despartido d'un ami...
 
 
Se sian couneissu dins lis annado 1979, tout bèn just après la creacioun dóu Mouvamen PARLAREN.
Ome de tóuti li coumbat, es dins aquest tèms qu'érian dis afouga de la lengo e la culturo nostro, èro pèr li militant la presso de counciènci de nost'identita. 

N'as fa dóu camin desempiei :
Catau dóu mouvamen Parlaren natiounau e président de Parlaren Bolèno
Creatour dóu centre de doucumentacioun prouvençalo en 1982  
  Membre repounsable dins Prouvènço d'Au, Prouvènço Aro e Prouvènço d'Aro, ères tamben au coumitat de redacioun

De segur Jean-Marc fasié la bonno draio di revisto "Lou Felibrige " e "Li Nouvello de Prouvènço" mai ères tamben escrivan e ome de radiò.
 
Majourau e Baile dóu Felibrige mai subretout un ome de couràgi un ome bon, saberu, de segur nous mancara.
Nòsti pensado van enco sa famiho, à sa mouié Silvió uno pensado esmougudo, à sis enfants tambèn... 

À tu Ami aro as acaba toun camin, as bèn merita de te pausa, se reverèn bessai, amoudau dins toun paradis,
e qu va saup, aqueste jour, lou cresèn, sarèn pas suspres d'ausi charra lis angi en LENGO NOSTRO. 

Adiéu COURBET, adiéu MAJOURAU, adiéu l'OME, adessias l'AMI……
La Chourmo dóu Mouvamen-Prouvençau e de Prouvènço-Vuei !!! 

Retour