VOUEZO MEGI | ||
| Air: A la frontière ! (de Berat ) |
|
Eier as passa la reformo : Avian degun per n'ajuda, Cadé : sies basti din lei formo ; As tira trege, é sies sorda ! Lei coucho-buou , su nouestei terro , Fan soun rabai per la tuarié ; Li vas garni sa boucharié , Moun bel agneou ; vas a la guerro , Paga l'impos dé ma misero ! Dien qu'es la lei : affrouso lei Qué cresto mai tan dé famïo ! L'aboulissé, noueste bouen réi ; Si suivié plu dedin Marsïo !. . . Es pa la lei : es uno ourrour; Es un decrè dé la Terrour ! Es lou couteou dé la tripièro Oou couar dei mèro ! |
Oou bou dé vounze an dé mariagi , Toun pèro, en mouren , m'a leissa Sèt orfelin doou pu bas iagi Senso uno pielo din lou sa. Ai esenta per privilegi Toun einé , lou garo-bouen-ten, E vui, Cadé, tu, moun soustien, Ti venoun prendre à veouzo Mégi ! Mi n'es mouar cin ; saouvi lou piegi !... Dien qu'es la lei : affrouso lei Qué cresto mai tan dé famïo ! L'aboulissé, noueste bouen réi ; Si suivié plu dedin Marsïo !. . . Es pa la lei : es uno ourrour; Es un decrè dé la Terrour ! Es lou couteou dé la tripièro Oou couar dei mèro ! | ||
| Quan leis avesque, aprè la messo, Oou noum d'un Dieou enverina, Venoun benezi la jouinesso Qué parte per s'entresoouna; Quan nou cantoun sei merevïo S'a ben gaffouia soun sadou, Coumo un chin dé l'adoubadou, Din lou san jusqu'à la cavïo, Suzoun, que plouro es empïo!... Dien qu'es la lei : affrouso lei Qué cresto mai tan dé famïo ! L'aboulissé, noueste bouen réi ; Si suivié plu dedin Marsïo !. . . Es pa la lei : es uno ourrour; Es un decrè dé la Terrour ! Es lou couteou dé la tripièro Oou couar dei mèro ! |
Oou pounchoun dé ta baiounetto , Pitan la glori per broumé, Ei gouapou vas faire esquinetto Senso gagna un troue de plumé. Se doou plan-pé dé la canaio Eis oouturo de l'embicien N'escalo vun su d'un millien, Lou forniguié dé la pessaio Resto bordïo dei bataio.... Dien qu'es la lei : affrouso lei Qué cresto mai tan dé famïo ! L'aboulissé, noueste bouen réi ; Si suivié plu dedin Marsïo !. . . Es pa la lei : es uno ourrour; Es un decrè dé la Terrour ! Es lou couteou dé la tripièro Oou couar dei mèro ! | ||
| Agroumandi dé tei despouio, Sé l'enemi, din toun endré, Venié per ti cerca garrouio E sacregea tout adarré, Alor dirieou : guerro d'outranço ! Cadé, piquo-li doou gro bou ! Roumpe lou Russou ! mangeo-lou ! Mai dé bounias qu'an ta croyanço, Tan lun li porta la souffranço ! . . . Dien qu'es la lei : affrouso lei Qué cresto mai tan dé famïo ! L'aboulissé, noueste bouen réi ; Si suivié plu dedin Marsïo !. . . Es pa la lei : es uno ourrour; Es un decrè dé la Terrour ! Es lou couteou dé la tripièro Oou couar dei mèro ! |
Meste Mouscou, lou viei moundaire, Qué sian vesin, é qu'a servi, Souven nous a counta, pechaire, Lei désastre mounte s'es vi. Quan mi figuri soun armado Perdudo oou foun dé l'estrangié, Tan dé malur , tan dé dangié Que m'estanaioun mei pensado, N'en sieou a la desesperado !.. Dien qu'es la lei : affrouso lei Qué cresto mai tan dé famïo ! L'aboulissé, noueste bouen réi ; Si suivié plu dedin Marsïo !. . . Es pa la lei : es uno ourrour; Es un decrè dé la Terrour ! Es lou couteou dé la tripièro Oou couar dei mèro ! | ||
| Testo su coué coumo d'anchoïo, Embarquoun a bor d'un vapour, Qu'ei grossei mar sa patto es goïo, Lei vitimo doou chan d'ounour ! Foueitado per la tremountano, Din lei negro nué dé febrié, Su lou pouen l'oundo t'embornié; Ti li remouques senso vano, Vieoulé coumo uno merengeano !... Dien qu'es la lei : affrouso lei Qué cresto mai tan dé famïo ! L'aboulissé, noueste bouen réi ; Si suivié plu dedin Marsïo !. . . Es pa la lei : es uno ourrour; Es un decrè dé la Terrour ! Es lou couteou dé la tripièro Oou couar dei mèro ! |
Ensin carga jusqu'à la boundo, Oou premié coou dé l'aragan, Voueste bastimen si prefoundo, Engloutissen milo crestian. . . . Pa uno craturo que survesse Dé la malo-desoulacien ! . . Oourai pa la counsoulacien, Fran qu'un jou lou gouffre entié vesse, Dé saoupre mounte soun teis ouesse!.. Dien qu'es la lei : affrouso lei Qué cresto mai tan dé famïo ! L'aboulissé, noueste bouen réi ; Si suivié plu dedin Marsïo !. . . Es pa la lei : es uno ourrour; Es un decrè dé la Terrour ! Es lou couteou dé la tripièro Oou couar dei mèro ! | ||
| Metten qué débarques escape A noou-cen lèguo doou péis , Cadé, foou qué la mouar t'arrape : Toumbes en plan dedin lou tris! Pa pu leou t'an nouza l'amarro, Prenes lei massacre à prefa; Su dé mesquin que' t'an ren fa Courres dé-suito douna barro : Doou ten ti juguoun dé fanfarro ! Dien qu'es la lei : affrouso lei Qué cresto mai tan dé famïo ! L'aboulissé, noueste bouen réi ; Si suivié plu dedin Marsïo !. . . Es pa la lei : es uno ourrour; Es un decrè dé la Terrour ! Es lou couteou dé la tripièro Oou couar dei mèro ! |
Sé l'ordre dé toun capitani Pouarto : en-avan ! é mouestro-ti ! Li poues jamai respouendre : nani ! Es toun mestié d'estre espoouti ! Jarretoun din lou bouiabaisso, Dei ballo creignes lou siblé ; Mai à la grèlo dei boulé Duves espino , car é graisso : Brandaras pa souto sa raisso ! . . Dien qu'es la lei : affrouso lei Qué cresto mai tan dé famïo ! L'aboulissé, noueste bouen réi ; Si suivié plu dedin Marsïo !. . . Es pa la lei : es uno ourrour; Es un decrè dé la Terrour ! Es lou couteou dé la tripièro Oou couar dei mèro ! | ||
| Tout espïa , la cheino oou couele, Dei Russou ti vieou presounié, Senso maire que ti counsouele E soulage toun agounié !.... Su tei pas moun espri vooutegeo : Buves l'aiguo dei gour fangous; As dé carogno per ragous; Ti vieou estendu din la nègeo, Tou maqua dé coou dé courregeo!... Dien qu'es la lei : affrouso lei Qué cresto mai tan dé famïo ! L'aboulissé, noueste bouen réi ; Si suivié plu dedin Marsïo !. . . Es pa la lei : es uno ourrour; Es un decrè dé la Terrour ! Es lou couteou dé la tripièro Oou couar dei mèro ! |
Ti soouvaries dé la tempesto , Dei geou , doou Russou, dei canoun, La pourras-ti fugi, la pesto, Fleou dé Dieou qu'a gé dé pardoun !... Mura, lun de tei cambarado, Dé poou qué li gastes l'avé, Din lou chambroun d'un Lazaré, L'espiraras, ma bèlo niado, Priva fincou d'aiguo-signado!... Dien qu'es la lei : affrouso lei Qué cresto mai tan dé famïo ! L'aboulissé, noueste bouen réi ; Si suivié plu dedin Marsïo !. . . Es pa la lei : es uno ourrour; Es un decrè dé la Terrour ! Es lou couteou dé la tripièro Oou couar dei mèro ! | ||
| Sabi plu gé d'auoutrei prièro : Jèsu , garda moun Benouni ! Goï ni manché su d'eiciviero Que lou vigui pa reveni! T'ai fa dire leis avangilo ; Mai tan de paoureis inoucen Qu'eme uno cambo, un bras dé men, Si tirassoun din nouesto vilo... Oh ! sé ma fé t'èro inutilo ! . . . Dien qu'es la lei : affrouso lei Qué cresto mai tan dé famïo ! L'aboulissé, noueste bouen réi ; Si suivié plu dedin Marsïo !. . . Es pa la lei : es uno ourrour; Es un decrè dé la Terrour ! Es lou couteou dé la tripièro Oou couar dei mèro ! |
Escoundé-ti : foou pa que parles ! Avan tou duves escapa. Lei mestre diran qué désartes : La lei doou Signour va di pa ! . . . Qu'es qué reclamo , la patrïo ? Buai ! dé sei dre taqua dé san ! Per ieou , la Franço es moun enfan !... Sei dré ! . . . Suzoun ni la poourïo N'an pa mancou leis escourïo !. . . . Dien qu'es la lei : affrouso lei Qué cresto mai tan dé famïo ! L'aboulissé, noueste bouen réi ; Si suivié plu dedin Marsïo !. . . Es pa la lei : es uno ourrour; Es un decrè dé la Terrour ! Es lou couteou dé la tripièro Oou couar dei mèro ! | ||