A propos de deux arrêtés municipaux concernant le tarif et le règlement de police des voitures de place, affichés à Marseille le quatorze septembre 1842.

	Pole, curo ta coumodo ; Foou qué devengues lisqué. Leou, anen, fai fouero blodo ; Enverguo-mi l'abiqué. Ensin va voou l'ordounanço. Dé Moussu Mas-Counsoula. Es ditado ta santanço, E t'atroves encala.  As vi sa lei escricho  Dessu trei milo afficho.  Vouaturin, Vouaturin,   T'an gasta toun trin.		A proun papié, soun estori, Per tapissa un paro-ven. Louei a près un torticori Eier en mi lou liegen. Oou mitan d'uno marrèlo, En carra su d'aco Ion , Vies negregea la sequèlo Dei près que ti fan affron.  Emé sei tiromètro,  Emé sei miramètro,  Vouaturin , Vouaturin,   T'an gasta toun trin.
	A quaranto pié lou viagi, An jugea qu'èro enca troou ; T'arrouinoun , sies oou pïagi : Ti lei taoussoun à vin soou ! Eme aco foourra qué fuze Ta carriolo, oou camin ; Qué dei chivaou lou puou luze ; Que sieguoun senso verin.  L'amendo dei pessègui  Fourra que la mastegui !  Vouaturin, Vouaturin ,   T'an gasta toun trin.		Ten ta facho é tei man netto ; Ten toun linge toujou blan ; Plu d'aié ni dé cebetto : Sa sentou va qu'ei peisan. Doou galifou la fumado Emportuno lei Moussu : N'en laches gé dé gourado. Davan lei gen doou pessu,  Lou taba leis entesto ;  La chiquo es maou ounesto !  Vouaturin, Vouaturin,   T'an gasta toun trin.
	Tu qué tan eisa ti faches Dei cavo à rebucitè, Aro, Pole, foou qué saches A foun la cevelitè. Que ta fleoumo si counserve ; E sé roumpies un issieou, Lou ciele ti san-preserve Dé jura lou noum dé Dieou !  Tout oou mai sé lei riche  Ti passoun quoouquei : fiche !...  Vouaturin, Vouaturin,   T'an gasta toun trin.		Sies soumes eis enquivoquo D'un ta dé mandian suspè. Per dé marchan dé barloquo Ti vies manqua dé respè. Un Moufflianti ti tutegeo, Foou souffri seis embarras. T'an restreignu la courregeo, Fai lou mouar souto lou bas.  Hu ! dia ! vai ! meno, meno ;  Mai quistes plu l'estreno !  Vouaturin, Vouaturin ,   T'an gasta toun trin.
	N'en voues uno pu sevèro? Ti dien, en beou parouli, Que t'an garca lou cooutèro Ren que per lou ben publi ! Mai doou pople dé Marsïo N'en soun doun plu , lei couchié ? Soun bandi dé la famïo ! Soun pa tan que dé quichié !...  Quan fè tira, mascaro !  Oou men creida-nou : garo !  Vouaturin, Vouaturin,   T'an gasta toun trin.		Sé faoutes à la counsigno ; Dé ce que t'es coumanda Se t'escartes d'uno ligno, Dé suito sies amenda. D'abor, à la bimbarrado, L'Espetour ti fa un proucès : Gagnes pa per tei bugado, E t'assassinoun dé frès !  Dé paga ti derangeo ?  Allè ! la caguo-mangeo !  Vouaturin, Vouaturin,   T'an gasta toun trin.
	Tendra pa soun ordounanco ; Oh ! noun segu, tendra pa ! Mi n'an douna l'assuranço, Lei pu famous avouca. La patento dei ramasso, Dei coumpagnoun lou libre , Va pa ei Prince de la chasso Que voueloun ave soun dré !  Lei pilo d'uno barquo  Soun pa dé saoutenbarquo !  Vouaturin, Vouaturin,   T'an gasta toun trin.		E s'ooutenen pa justici, Su lei pouen doou terradou, Per castiga sei malici Manquo pa debooussadou !.. Vo leis Ajouein vo lou Mèro, Sounco n'en meni quoouqu'un, Pataflaou à la rivièro ! Lèvo-t'aco doou petun !...  L'an vougu, lou desastre,  Li cerquaran d'emplastre !..  Vouaturin, Vouaturin,  Tan gasta toun trin.
Septembre 1842.