Vint-un-cen-fran | ||
| Air de La Vieille , opéra de Fétis |
| Nicou , vint-un-cen-fran !.. . que veno !... Vint-un-cen-fran , bouen robeiroou ! . . . Vint-un-cen-fran ! . . . ta camié es pleno De louei d'or eme d'escu noou ! . . Quan trou-de dieou n'a de dougeno ? Bessai quaranto , qu va soou ?... Aco si qué n'en soun , dé boou !... Avié resoun dé mi dire , moun paire : Poues pa trachi ? bouto à la loutarié. L'a ren de taou per tira doou chantié Lei paourei gen coumo leis acabaire... Sian eme Dieou ! . . aven dé qué jouï: Vint-un-cen-fran per fa bouï ! |
Aro , lei quiti, leis braieto : Sieou pu riche qu'un remplaçan ! N'ai proun carregea de receto Per un marri tècou de pan ; M'avè proun souven fa ligueto Dé vouestei saqué d'argen blan , Ta de voulur de negoucian !.. Aro , lou voou fa passa, l'enterigou ! Per mi glounfa la tripo , aro , aï de pié ! . . Lou ganchou oou boïou ! oou boïou lou païé, Qué m'an rendu pu linge qu'un charnigou !.. Sian eme Dieou ! . aven de que jouï : Vint-un-cen-fran per fa bouï ! | ||
| Per pousqué mangea de becasso Oourieou vendu mei douei roustoun Senso troou faire la grimaço. Jugea : moun mïou guletoun Es dé marlusso à la matrasso, Vo ben dé testo dé mooutoun !.. Aro, voou briffa mies qu'un Moun ! Ai boueno den ; soourrai faire ma pleguo : A la Reservo , à Vitou doou Farò, Voueli neda din dé pous dé fricò ! .. M'en voou garça , dé poulé , per lei breguo !.. Sian eme Dieou ! . . aven dé qué jouï: Vint-un-cen-fran per fa bouï ! |
Sounco mi vien , à Meissenmino, Ieou qu'èri toujou tan pegous, Leis botto , leis gan , la faquino, Lou flame corsé dé velous, Lou jabò , leis roun , la badino, Serai plu Nicou lou puïous, Alor ; farai ma par d'espous!.. Fouesso diran : qu'es aqueou Coumissari ! ! ! . . E su lou por sounco voou proumena , Rasa dé fres é ben requinquïa , Leis Gateiroou m'en diran dé : Canari !... Sian eme Dieou ! . . aven dé qué jouï: Vint-un-cen-fran per fa bouï ! | ||
| Sieou tan porta per la fumèlo, E pa mouïen d'atrouba plan ! Pa uno bougro dé maquarèlo Que mi vouguesse per galan ! Toutei , traviran la parpèlo , Disien: qué voou lou mouar dé fan? Mai esto fé, garo davan ! A mei ginous foou toutei qué lei vigui. La pelanchoué Nanoun mi dira plu : vai ti fa pendre , espia buai dé tu! Coumo rira , vui , sounco la coutigui !... Sian eme Dieou ! . . aven dé qué jouï: Vint-un-cen-fran per fa bouï ! |
Voou bouliversa tou Marsïo! Emmerdi Gobè, Tibodò! Ah ! ti n'en voou foutre en pooutïo Dé croyançur dé moussurò.! Oou Pounchu à la Coumedïo, N'espessarai dé matalò! Sieou l'Amperour ! ai d'espègò!... Nicou tamben la mandara, la cano; Ah! n'ana veire un brave , dé pelaou ! Sieou proun Briqué per garça fué à l'oustaou! Cregni degun ! sieou lou bourreou deis crano!... Sian eme Dieou ! . . aven dé qué jouï: Vint-un-cen-fran per fa bouï ! |
| Gé l'escoubiié , que s'esfrayo : Nicou ! mi di : foou gooubegea ! Soun pesan leis barrien dé païo : Va sabes , n'as proun manegea ; Vai plan ; ooutromen ta granaïo Oouras ben leou escudela ! - Sieou-tí Gavoué , per boussegea ! Quan durarié qu'un mes , moun bordelagi, Un mes, doou men , oourai fa lou moussu; Mourras mandian coumo as toujou viscu, Tu!.. leisso-mi, couïoun dé cagun-à-ragi!.. Sian eme Dieou ! . . aven dé qué jouï: Vint-un-cen-fran per fa bouï ! | ||
Février 1839 |
| |