Fouero ! lou san qué noun resto a lou bouei ! Fouero ! sansu, qu'avè la gorgeo pleno ! Fouero ! bouchié , gras dé nouesto coudeno ! Fouero ! à soun tour lou bestiaou pren lou fouei !
	Mourou , ti dounoun trento soou, Quan vas debarqua dé matiero, Lei mestre dé ta sabouniero Qué t'an dé louei lei plen peiroou. Enca ti duves creire erous Sé ti rougnoun pa la jornado ! Lei traïte, emé soun teta dous, Ti l'empugnoun senso poumado, Senso poumado !... Fouero ! lou san qué noun resto a lou bouei ! Fouero ! sansu, qu'avè la gorgeo pleno ! Fouero ! bouchié, gras dé nouesto coudeno ! Fouero ! à soun tour lou bestiaou pren lou fouei!	M'es dé latin, ieou soun babou : Moun engien dé longuo li clavo; E souven pensi : qu'unei cavo ! Jamai ajusta lei douei bou !... Aqueou trafi poou plu dura : Foou qué sange, vo qué tou pete ! Lou tron dé Dieou lei va cura ; Garo ! qué Mourou si li mete ; Vouei, si li mete !... Fouero ! lou san qué noun resto a lou bouei ! Fouero ! sansu qu'avè la gorgeo pleno ! Fouero ! bouchié, gras dé nouesto coudeno ! Fouero ! à soun tour lou bestiaou pren lou fouei !
	Sé jusqu'aro ai agu, rascas, La favo senso jouïssuro, Qu'oou men douni ma mouardiduro Su lou rouiaoume dei richas ! Ieou sieou juste : pa tou per un ! Es naoutrei qué loouran la reguo Pui , apanaou é coumourun V'arrapa tou ! daïse, coulèguo ! Daïse, coulèguo !... Fouero ! lou san qué noun resto a lou bouei ! Fouero ! sansu , qu'avè la gorgeo pleno ! Fouero ! bouchié , gras dé nouesto coudeno ! Fouero ! à soun tour lou bestiaou pren lou fouei !	Ti l'ai tan coucha, lou marlus, Despui qué vivi dé rapuguo ; Mi sieou tan nourri dé lachuguo, Qué sieou glounfe coumo un perus ! Tan qu'ai pouscu teni l'aren, Ai pati senso dire cebo. Esperavi lou tramblamen ; Vui qu'es vengu , lou peze crèbo ; Lou peze crèbo ! Fouero ! lou san qué noun resto a lou bouei ! Fouero ! sansu qu'avè la gorgeo pleno ! Fouero ! bouchié, gras dé nouesto coudeno ! Fouero ! à soun tour lou bestiaou pren lou fouei !
	Eier, oou coou dé miegeo-nué, A l'oustalé doou Traou-dei-Masquo, Misè Mandino la Tarasquo, N'a tira lei carto oou gran jué ! Enfan, nous a di, bouen espouar ! Lacha lou grame ei cervouranto; Sia bouniqué ; piquaré fouar. Dé mousquo, enfan, qu'oouré la Santo ! . . . L'oouren la Santo ! Fouero ! lou san qué noun resto a lou bouei ! Fouero ! sansu qu'avè la gorgeo pleno ! Fouero ! bouchié, gras dé nouesto coudeno ! Fouero ! à soun tour lou bestiaou pren lou fouei !	Sapur, Calobre, l'Agacin, Nazou, Ratoun, Naveou, Mesiquo, Touei leis ome dé la fabriquo An prepara sei picoucin. Lou pies pelous, lei pè descaou, E tezan lei ner dé sei pougno, Foou oouvi lei braïo à miraou Creida ; zou ! saïo ! à la besougno ! A la besougno !... Fouero ! lou san qué noun resto a lou bouei ! Fouero ! sansu qu'avè la gorgeo pleno ! Fouero ! bouchié, gras dé nouesto coudeno ! Fouero ! à soun tour lou bestiaou pren lou fouei !
	Noun manquo pa dé moustachu, Que saboun l'estè doou sarvici, E qué n'ensignoun l'ezarcici Dei fusieou à l'ooutis pounchu! Counta dessu vouesteis arquin : Faran pa mies qué meste Moucho ; Per li crevela lou blesquin Soouren l'estrassa la cartoucho ! Sian dé Cartoucho !... Fouero ! lou san qué noun resto a lou bouei ! Fouero ! sansu qu'avè la gorgeo pleno ! Fouero ! bouchié, gras dé nouesto coudeno ! Fouero ! à soun tour lou bestiaou pren lou fouei !	La cuecho si menara du : Boulegan pa per canta messo : Tamben s'atrovo dé cabesso Din nouesto bando dé perdu ! L'a ni gouapou, ni Cidavan Qu'aguoun fa roun libre dé conte : Qué li garço ! leis armo en man, Un sabounié voou mai qu'un Conte !... Ben mai qu'un Conte !... Fouero ! lou san qué noun resto a lou bouei ! Fouero ! sansu qu'avè la gorgeo pleno ! Fouero ! bouchié, gras dé nouesto coudeno ! Fouero ! à soun tour lou bestiaou pren lou fouei !
	Per generaou aven Sapur ; Nouste pouarfè sera lou Garri ; L'Agacin sara coumissari; Esperi lou nouman peiur. L'a plu ren qu'un posto à soougi; Va qué pinto à moun caratèro ; Per malur sabi pa liegi, Porcas dé disqui ! serieou Mèro ! Serieou lou Mèro !.... Fouero ! lou san qué noun resto a lou bouei ! Fouero ! sansu qu'avè la gorgeo pleno ! Fouero ! bouchié, gras dé nouesto coudeno ! Fouero ! à soun tour lou bestiaou pren lou fouei !	Qu n'a n'en mete : aqui la lei ! La troumpetaren din la Franço ! En esparpaian la finanço, Pourra pita, lou pichoun pei. Sé Paris si voou pa clina L'a lei pegoun dei jou dé festo; Sé Marsïo voou reguina, Brulan lou por, é coupo testo ! E coupo testo ! Fouero ! lou san qué noun resto a lou bouei ! Fouero ! sansu qu'avè la gorgeo pleno ! Fouero ! bouchié, gras dé nouesto coudeno ! Fouero ! à soun tour lou bestiaou pren lou fouei !
	Lou viei radassaire Reynié Mi ven dire : espoousso-salado, Vies pa qué lei quatre façado Doou coumplò veiran l'agounié !... Merdo ! cé qu'ai di , v'ai ben di ! Per Cocolein, per uno pruno, Coumo qué Mourou sié estordi, Uno fé rede, a fa fortuno ! A fa fortuno !... Fouero ! lou san qué noun resto a lou bouei ! Fouero ! sansu qu'avè la gorgeo pleno ! Fouero ! bouchié, gras dé nouesto coudeno ! Fouero ! à soun tour lou bestiaou pren lou fouei !
Septembre 1841			Retour