Tacheto, Arriè toun escoubeto, Toun crochou, tei claveou rouious; A toun calò poues fa la crous : Vas rabaïa l'or à plen pous ! Lou segoun dé la Zozefino A grati mi pren à soun bor; Anan din lou péis dei mino Cava lei traou mounte ven l'or : Aquesto nué quittan lou por. En siei mes, s'ai lou ven d'à poupo, Peravaou , oou bou dé la mar, Meis indès, per couina la soupo, Seran trei lingoun , pes dé mar ! ...		Tacheto, Arriè toun escoubeto, Toun crochon, tei claveou rouious ; A toun calò poues fa la crous : Vas rabaïa l'or à plen pous! Qu m'a foutu dé poletiquo Menado per dé massacan Qu m'a foutu ta repebliquo Qué nou refuso un troué dé pan ! Ieou voueli pa mouri dé fan ! Mandrouno oou couar dé peleganto, Meirastro à l'estouma passi , Ti renègui ! sies pa la Santo ! La nourrisso dei san-souci !
	Tacheto, Arriè toun escoubeto, Toun crochou , tei claveou rouious ; A toun calò poues fa la crous Vas rabaïa l'or à plen pous ! Sian tratta dé descaladaire S'en rasclan di n lei valadé, Dei queiroun enfoouchan l'escaire : Casin toujou sian lei cavé , E lou pastre mangeo l'avé ! ... Lei gouapou, lei portur d'espazo , A plesi van tou devessa Per lou Canaou é per l'Agazo ; Mai degun li douno soun sa ! ...		Tacheto, Arriè toun escoubeto, Toun crochou , tei claveou rouious , A toun calò poues fa la crous : Vas rabaïa l'or à plen pous ! Adieou lou mestié dé rasclaire ! Nouesto mitraio es oou degai An publia qué l'estrassaire Duou plu gé croumpa d'artirai !... Moussu l'Ajouein es un bel ai ! Noun garço la pouliço ei trousso ; Souar é matin sian arcela : Aven repousso su repousso ; Poueden plu gratta lei vala ! ...
	Tacheto , Arriè toun escoubeto , Toun crochon tei claveou pouious A toun calò poues fa la crous Vas rabaïa l'or à plen pous ! Grananué mi disié : Tacheto, Restes eici ? songeo qu'un buou Caguo mai qué cen dindoureto : Oouras bèlo bagua lou puou , Seras jamai qu'un vié dé muou. Crei-mi , rastas ! i ! lei couliquo ! N'an proun di qu'erian d'espoumpi : Vengue d'or ! vivo l'Ameriquo ! Lou Pèrrou ! lou Missipipi !		Tacheto , Arriè toun escoubeto , Toun crochon tei claveou pouious A toun calò poues fa la crous Vas rabaïa l'or à plen pous ! As qu'à ti beissa per n'en prendre Aqui, selon la Liberté ; Mai sé fas ren; poues ren pretendre : Es la lei dé l'Égalité ; E pui , qu'unto Fraternité Quan aies malaou , cadun t'ajudo ; Ti revengeoun quan ales maqua ; Ti prestoun tamis é cornudo ; T'amoueloun toun pi, s'es brequa...
	Tacheto , Arriè toun escoubeto , Toun crochon, tei claveou buious ; A toun calò poues fa la crous Vas rabaïa l'or à plen pous ! Parté lou jou dei barricado : Si soou pa cé qu'es devengu , Grananué, moun viei cambaraclo ; Mai s'oou gran pouaire a pa begu , L'es eilavaou , dé ben segu... Dieu proun qu'es un endré dé fèbre, Calada dé ser verinoué ; Bah ! perlé du, dé roum , dé pebre, Sies saouvo ! fai tira , pitoué		Tacheto , Arriè toun escoubeto , Toun crochon, tei claveou buious ; A toun calò poues fa la crous Vas rabaïa l'or à plen pous ! Sounco luzo,un lei pampaieto Din lou gurdus qu'oourai troouca, Oh ! Dieou ! qu'unei cascareleto ! Qu'unt-aoubre dré ! senso touca Doou pet oou soou, ni m'embrounca ! E sounco piqui su la roquo , Quan sentirai qué fira : din ! Cresè qu'aquel mu à la coquo Lou roumprai eme lou pegin ?..,
	Tacheto , Arriè toun escoubeto , Toun crochon, tei claveou buious ; A toun calò poues fa la crous Vas rabaïa l'or à plen pous ! Es qué sera pa d'or dé Luquo, Coumo loi boutoun dei moussu ! Travessarieou pa la Sambuquo En n'ayen vun saqué dessu ! Sera d'or fran , d'or doou peseu ! Sera rous coumo un chevu d'angi , Rous coumo lou roun doou souleou , Rous coumo uno grueio d'arangi , Rous à n'en veni rababeou !		Tacheto , Arriè toun escoubeto , Toun crochon, tei claveou buious ; A toun calò poues fa la crous Vas rabaïa l'or à plen pous ! Per ajuda lei patrioto, De douge pèço dé canoun, Alor , armi ma galiote, Qué dé la poulèno oou timoun Ooura ni ferri, ni loutoun. Foou lou fèni dei merevïo Per li carga tou moun tresor : Doublagi , mà, cable , cavïo , Ancro, soourro , tou sera d'or !
	Tacheto , Arriè toun escoubeto , Toun crochon, tei claveou buious ; A toun calò poues fa la crous Vas rabaïa l'or à plen pous ! E sounco retouarni deis ilo , Sé lei bandi , voulur dé mar, M'attaquoun , foussoun-ti dès milo , Amarra su moun ban dé quar, Leis esperi ! gare à soun lar Mi cardarieou à l'arrambagi, Coumo un tigre desespera ! , .. Oou resto , ai fa vu : dé l'ooufragi La Viargi mi preservera ! ...		Tacheto , Arriè toun escoubeto , Toun crochon, tei claveou buious ; A toun calò poues fa la crous Vas rabaïa l'or à plen pous ! E pui voou à la Boueno-Mèro Sapa mies qué l'enfan d'un per ; Li foou presen dé doues bandiero E d'un manteou lour per l'iver... Ma nèço dira lou ver ! .. . Pui foou basti la catedralo Mounte chascun ven respeta Ma galioto son rivalo Pendudo en l'èr dessu l'oouta
	Tacheto, Arriè toun escoubeto , Toun crochon, tei claveou buious ; A toun calò poues fa la crous Vas rabaïa l'or à plen pous ! Mai aqueou ta paourei diablo Qu'oouran pa ruissi coumo ieou Tan dé rasclaire, dé minable, Qué mi veiran d'un uei soutieou, Li fourra ben pouarge doou mieou Esten gran soci eme lou Mèro Ferai sa pu; pui d'escoundounn, Samenarai per lei carriero Fouesso mouceou dé mei lingoun		Tacheto, Arriè toun escoubeto , Toun crochon, tei claveou buious ; A toun calò poues fa la crous Vas rabaïa l'or à plen pous !
Gènes, Juillet 1850.