S'èri Tur !

Air : Ah ! Madame me voyait

En vert, passages "censurés" lors de la seconde édition...


Sooucissò qué ven doou Levan,
M'a counta qu'à Coustantinople
Lei pu pingre queinzou doou pople,
Selon la lei dei Maoumetan,
Au dé niado dé femelan.
Lei testo li fan la cambeto,
E li dien . passa ! lei farçur !...
Ieou, qué m'an bategea Brouqueto,
Ieou , lou pu caou dei Lamanur,
Oh ! qué desastre, s'èri Tur !
Dé pertou cerqui dé toupin
Per apparia ma cabucèlo ;
Sieou capitani dei vanèlo,
Sieou l'Antecris dei libertin,
Enca li perdi moun latin !
Dès mataou per uno campano,
Din noueste péis dé malur !
Eilavaou, per un, vin Surtano !
Oh ! qué desastre , s'èri Tur !
Oh ! dé mei bouteou ! s'èri Tur !
Coumo soun rare, mei vouaddé !
Ieou, qu'ai d'aiguo-for din lei veno,
Quan lei Braiasso tiroun peno
D'un paou vouigne seis escudé,
Dé forço mi suci lou dé !
Vo mi scubri, quan voou oou vici,
La rousto dé quaouque chiqur,
S'a jàbo li foou mei brutici ! ...
Mai qué desastre, s'èri Tur !
Oh ! dé mei bouteou ! s'èri Tur !
Qué poou pista, l'ome d'esteou ?
Dé repetiero , dé lanuso !
Dé chambriero, dé cigaruso !
Lei chivaou dé boues, lei baceou
Soun lei mïou dé sei mouceou !
Mai lei fin Nini deis eimagi,
Qué sa bèbo a l'èr tan mouqur,
N'en pessuga dé mortaragi !
Oh ! qué desastre, s'èri Tur !
Oh ! dé mei bouteou ! s'èri Tur !
Ren qué dé veire un coutïoun ?
Senti bouï lei ramichèlí :
Ren qué dé fresta sei charchèli .
Dé suito arbouri pavaïoun ,
E sieou lés per lou bataïoun !.

E veirieou battre dé sissolo
Ei Duvèsso doou Gran-Seinur,
Qué juguarien dei castagnolo !...
Oh ! qué desastre, s'èri Tur !
Oh ! dé mei bouteou ! s'èri Tur !
Eme sei raoubo à la Sicè,
Dé pampaieto d'or broudado,
A ma barbo, lei coouquïado
Qué marchoun su lou pié francè,
Cantarien lou Salamalè !
Dejà rababeou dé romanço,
Oourieou dé coulèguo doou cur
Tan mistoulin dé corpouranço !..., . .
Oh ! qué desastre ! s'èri Tur !
Oh ! dé mei bouteou ! s'èri Tur !
Sieou proun soulide doou jarré ;
Bloundo, negresso, bruno, rousso,
Viando dé velous tanti douço !
Zuei vieou, nas fiela, menin trè,
Va menarieou tout adarrè !
Pepieou moufflu din sei babouchou,
Ginous redoun.... Dia dé bouenur ?
Li goousirieou cen cacarouchou !
Oh ! qué desastre, s'èri Tur !
Oh ! do mei bouteou ! s'èri Tur !...
S'as ben trafega dé ooutis,
S'as ben sachu rampli toun role,
Sooucissò di qu'es ben pu drole :
Lei capelan d'aqueou péis
Ti respouendoun doou paradis !
Qué toun cabudeou si desfiele,
Sies recounoueissu fouar treissur,
Vun dei sans Angi dé toun ciele !...
Oh ! qué desastre, s'èri Tur !
Oh ! dé mei bouteou ! s'èri Tur !
Mai pui, veici lou pu pouri :
moun l'a dé ta dé fumèlo .
Toujou flourido, toujou bèlo .
Qué soun bouen noun es lei Zouri,
É qu'an leis Angi lier mari.
Dei trege pli dé sa pampeto,
Din milo an, gé d'escarpissur
L'an pouscu roumpré Ia teleto !...

Oh ! qué desastre, s'èri Tur !
Oh ! qué mei bouteou ! s'èri Tur !
Sé sabieou qué lei secula
Mi mitounessoun aqueou vèzou,
Lun d'estre devò mèzou-mèzou,
Oou Dieou dei Mamalou, Rhallah,
Farieou vu dé moun canéla !...
Mi pourrien dire Nigodèmus,
Renega, machoueto, empoustur :
Oh ! Rhalli-Rhallah ! qué d'orèmus !
Oh ! qué desastre, s'éri Tur !
Oh ! dé mei bouteou ! s'èri Tur !
Novembre 1841