A la Risquo | ||
Air: Les Russes m'ont rendu visite. |
Es arriba deis ilo en quaranteno Lou bastimen qu'adué moun mourouné ! Dilun matin ensacarai l'ooubeno ; Faren lou conte, é Moussu Freissiné Mi crachara lei piarre oou bassiné... As ruissi un coou, Gargamèlo, en ta vido ! Ruissiras dous ; douarbe leis acubié ; Fai parouli ! la fortuno ti crido : L'a proun lon ten qué fures lou gibié ! Riche marchan vo paouré poulaïé ! |
Zou ! Gargamèlo : à la risquo ! à la risquo ! Moougra qu'eier fousses marri pegò, Ooujordui vuno é deman quatre brisquo, E senso avé recour ei matagò, Din quaouqueis an fas lou vié dei magò. Vies saluda chasque souar à la Logeo MiIor Barriquo eme Milor Aouffié : Eisa l'orguei per lei gro nas derogeo ; E perqué pa tamben Milor Groulié ! Riche marchan vo paouré poulaïé ! | ||
Vaqui cé qu'es : voulè saoupre, foou vieoure. Cresieou, bedè ! qué l'escoulian coussu Qué parlo fin é qué soou ben escrieoure Avié soulé lou mouele deis escu : Lou foun doou flascou èro pa enca begu... Vagué-à l'azar ! qué l'azar es avugle ! Ooussan lou gus dessu la galarié, Remarquo pa quan dé coou dé bizegle Manquo à sa gruio, à soun verbo groussié. Riche marchan vo paoure poulaïé ! |
Aro, ai la claou doou secrè dei miracle ! Voou l'atrouva lou bouen Dieou endormi ! Eri neissu per faire un espetacle ! Lou san mi brulo, é mi senti freni Quan moun cerveou devoro l'aveni !... Qu'a d'estouma si tiro dé la foulo : N'ai sè fé troou per pa restre premié. Sé m'an caga su d'un mouroun dé groulo, Lou Dieou Crestian sorté d'un restelié !... Riche marchan vo paoure poulaïé ! | ||
Laissa passa Gargamèlo ! fè plaço ? Ooutourita, negoucian, parvenu, Vite ! en douei double ! à ginous, chin dé raço ! Lipa la man qué vous a soustengu ; E sigué fier dé n'estre ben vengu !.... Lou vïadou m'a servi d'escabèlo Per mi lança mounté van lei ratié ! Brouncharai plu, mancou, d'uno semèlo ; Voueli ma par dé touto mangearié ! Riche marchan vo paoure poulaïé ! |
Serai richas ; mai ingra, mai bricouni, Noun ! dé bouenur plouraran touei lei mieou ! M'en souvendra toujou dé Bagatouni ; Dé la placeto ounté, nistoun, venieou Fa la patincho é jugua là-ti-vieou !.... D'argen massi foou l'oustaou dé moun pero ; Tapazo en blo seran seis escalié ; Foou dé diaman la chambro dé ma mèro, Dé queiroun d'or caladi lou Panié !... Riche marchan vo paoure poulaïé ! | ||
Noueste péís jangouero à foun dé calo : Dé marriassas lou suçoun jusqu'oou san; Mai Gargamèlo es eici ! dé l'espalo Turto la chiurmo ; adieou lei devouran ! Cadun sa chouio, é sa fiolo, é soun pan ! Trabaiadou qu'a fugi la pratiquo, Vou lagné plu : soun duber mei chantié ! I : lei Bachin ! oou fué lei micaniquo ! Vengue dé bras ! tout un mounde d'ouvrié !... Riche marchan vo paoure poulaïé ! |
Voou alounga Marsïo en esplanado Dé la Tourreto à la couelo d'Araou ! Millo casteou en peiro finaulado Reluziran su l'aiguo doou Canaou ; Farai vergougno oou Cor Municipaou ! Soun Marca noou, pieouzeou blesi, varaïo ; En m'amusan li planti dé pounchié ; Per tua lou ten bastissi la muraïo Qué duou cencha la Visto é San-Ginié !... Riche marchan vo paoure poulaïé ! | ||
Leis avalouar qué tirassoun vouaturo Per proumena sei chivaou gris é blan, Prochi dé ieou faran maigro figuro Sounco oou Fada meni Caramantran Din moun carrasso atala d'arafan ! ... Qué crèbo-couar per elei ! qué regali Per ieou, sounco lou pople tout entié, Jitan dé flou coumo davan lou pali, Mi creidara : glouaro à n'eou ! beni sié ! ... Riche marchan vo paoure poulaïé ! |
E sé lou sor mi disié : toumbo-bèlo ! Sé doou tramplein mi foulié debana, Maginaré beissai qué Gargamèlo, Su lou fusieou parten coumo un dana, Lou cabestran s'anarié enfremina ? Pa tan couioun ! uno chouno, é naveguo ! Sabi l'inguen d'aquelo maladié : Quan as agu lei man facho dé peguo, Li poues rascla, n'a toujou dé grapié... Riche marchan vo paoure poulaïé ! | ||
février 1840 |