Pichoun Fai | ||
Air : Quand on ne dort pas la nuit |
Ai dé cuisso coumo dé plò ; Ai douci bras qué sembloun douei tanquo ; Ai boueno esquino, sieou raplò ; Souspezi vounze-cen tilò ; Es pa la mousquo qué mi manquo. E sieou força, ieou, Touano Buou, Promié mestre dé bosso angleso, Dé dire per dé puou dé cuou : Pichoun fai tamben dé lun peso. (bis) |
Din noueste foussa de mestié Qu si n'en tiro es pa uno rosso. Dé marino sieou charpantié : Lou matin, quan voou oou chantié, Mi soun dé plumo aisso é picosso. Mai lou souar, en ooussan l'ooutis, Ai moun jarré qué si destezo ; Pleguo coumo un reifouar boutis : Pichoun fai tamben dé lun peso. (bis) | ||
Soupavian co dé Vooucansoun, E senti qué moun barrieou vesso : Accoumençavoun lei cansoun, Mai courri, creidan oou charroun, Cerqua la premiero travesso. Lei tripo mi fasien glou-glou, Per douge figuo Marsïeso Qu'avieou mangea, fran doou pecou ! Pichoun fai tamben dé lun peso. (bis) |
En m'atrouvan oou descuber, D'avé boustiga la negresso, Mi vieou souspré par lou grant èr ; Garci lou can ; é gé dé cler Dessouto la crous fa tan d'esso. Mi disieou proun : Buou, ten ti du ! Mai qu'unteis uou !... dé p dé frèzo ! Uno chiquo m'oourié estendu. Pichoun fai tamben dé lun peso. ( bis) | ||
Dé la Majou, mount'es l'oustaou. Portan soun nabou à la pousso, Jusquo darnié Moussu Guiaou, La fremo va coumo un chivaou Qué voou gagna la cherpo ei cousso, Cargui l'enfan en revenen ; Arribi ; Goutoun mi mespreso : Touano, mi di : sies suzaren ! Pichoun fai tamben dé lun peso. (Bis) |
Quan feri plan eme Goutoun, Avié lou mentoun à crouseto, Dé gro bouteou, gento façoun, Un beou corché, courous couiffoun, Escarpin à fino rouseto. Qué bouenur dé si marida ! Zou ! piquo-li su la mortèzo ! Mai lou retour doou san, fada ! Pichoun fai tamben dé lun peso. (bis) | ||
Goutoun aimo dé proumena, Aimo la danso, aimo la verso ; Ieou, ren d'aco mi poou ana, Aimi qué mous, carto é dina : Sian gaire dé la memo merso. Ah ! sieou un pouli pistoulé Per la bindoussa lon dei tezo ! L'ai troou tirassa, lou boulé ! Pichoun fai tamben dé lun peso. (Bis) |
M'a coua cin moussi din quatre an ; Per engrana tan dé pieoutaire, Foou n'esquarri dé caraman Senso si veire un soou davan ! E Buou es sadou dé l'araire. Prendrié dé pebre en lavamen, Qué dirié basto à la foutèzo ! Dé nourrigoun lou todi es plen. Pichoun fai tamben dé lun peso. (bis) |
Foou pui qu'uno peremounié Per aduerre la maou-parado. Lou picacouano, lei soounié S'ajudoun à toun agounié ; Petes pu sé qu'uno arencado. Siei à la barro portaran Toun paqué d'ouesse, alor, Niquèzo, E su lou bor doou traou diran : Pichoun fai tamben dé lun peso. (bis) |
|||
Août 1842 |
|