A rapor qué din lei lacoun Logi en chambro garnido, Tou lou mounde mi crido Que sieou un caïman, un capoun ! Cadun m'adoubo ; Mi fan la loubo ; Mi coucharien ben leou à coou d'escoubo. Doou Pouen de peiro ei Caraman Mi dien : I ! Blème, lou Damian ! . . Sieou piaffou , vouei ; mai vouestei negoucian ! Tur, Judieou, Crestian , Grègou . Angles , Francè , Galiègou, Blème es un san respè d'aquelei pègou !		Blème voou gaire, es proun verai : Counouei la manipolo ; Ei Frèro de l'escolo Fasié peta fouesso artirai . Duro cervèlo, E den cruèlo, Per lou bouiroun èro piegi qué grèlo, Cagatroué, Breca, Pataclé, L'an fa esquineto en milo endré Pei espooussa figuiero é pesseguié ! Mai sé parla dei Grègou, Dei negoucian Galiègou, Blème es un san respè d'aquelei pègou !
	Esten mômo , dessu lou quei Ai porta la roumano, E ti n'ai vi de crano ! Mi n'an empré lei gen dé lei ! Chasquo pesado, Uno esparrado, E boou pu fouar qué vin dé mei mesado ! Lou portafai guincho de l'uei Lou pesadou souarte l'estueí, E fa bouqueto en creidan , cin-çan-vuei !... Oh! sé parla dei Grègou, Dei negoucian Galiègou, Blème es un san respè d'aquelei pègou !		Moun paire, mestre escoubiié Qu'eimavo esquicha l'agi, Mi leissé en eiretagi Sei couesto oou lon é gran goousié : Quaouquei souenaio ; Mai sa mitraio Entre meis man es esta fué dé paio! Dien : qu buou ben Dieou lou beni ; Ieou, qu'ai tan begu, sieou mooudi ! Per sussista foou qué fassi ranchi; Mai sé parla dei Grègou, Dei negoucian Galiègou, Blème es un san respè d'aquelei pègou !
	Passé per uei moun san Crespin ; Aro si qué m'en penti ! Poudieou restre un leventi, E sieou lou jugué dei Bachin ! Lou pies mi fumo, Tan l'aiguo es sumo ; Paoure oousseloun, mi resto pa uno plumo ! Tamben, per mi bagna lou bè, Foou lou souffre ; foou lou campè, Foou l'endigò, lou sucre, lou cafè.. . Mai sé parla dei Grègou, Dei negoucian Galiègou, Blème es un san respè d'aquelei pègou !		Qué voulè dé la quoué d'un pouar Tira menin plumachou ? Foou qué visqui Gavachou : Lou bras qué pissi es mita mouar ; Sieou cardalino, Plen dé vermino, En boulegan l'oues mi traouquo l'esquino. Eme dé tan marris ooutis Pa mouien dé chiqua l'arris : M'engini doun per ben cala mei thys ; Mai sé parla dei Grègou, Dei negoucian Galiègou, Blème es un san respè d'aquelei pègou !

	O pinto-moffi dé judieou ! Cregnes pa la pepido ; Tei glori soun fassido, E fas lou quècou mai qué ieou ! E qué ti manquo ? Ta camié es blanquo, As busquichèlo é fielé su la planquo !... S'avieou tan dé graisso ei roustoun Lun dé voula senso besoun Deman serieou lou Jèsu dei lacoun ! . . . Mai parlen plu dei Grègou, Dei negoucian Galiègou, Blème es un san respè d'aquelei pègou !
		Septembre 1838.