Lou PARISIEN | ||
Air : Voyage , voyage qui voudra. |
En travaian coumo uno besti Desempui lou ten dé la pas, Paou à paou s'es enfla, moun viesti; Mi sieou sentu lou boussoun gras. Ai pensa : tiro en terro ; Mando oou boues la galèro : Oustaou é bastidoun, Aro n'as proun.... Mai Polito es un sugè rare, Foou lisqua soun enducacien; Souarte d'en pensien, Qué vague à Paris ; En vian dé péis, Fara soun camin, Vendra fin lapin.... Acrè, massacan ! Suzo lou malan; Oouras la crèmo dei galan. Lazare, Lazare, Fai toun fieou Parisien... |
Reven ; m'escrieou soun arribado ; Courri oou Cochou, dijoou passa ; L'atrobi ma bèlo pipado Qu'avié crento dé m'embrassa; En li sooutan oou couele Vieou qué tiravo mouele : Polito, mai sies tu ? Tu, tan pounchu ! E ben! m'agrado, toun endare ! As l'èr d'un preguo-dieou d'Ensen. Faran sensacien Din nouestei quartié Tei mouninarié !.... Respouende : vréman, Mon pero é sarman !.... Nou se revouarroun, Vou se parleron.. .. E dieou, en bacelan moun fron : Lazare, Lazare, Toun fieou es Parisien ! | ||
Jugea sé lou couar mi soounavo : Moun bou dé barro Franciò Eme lou buai arremarquavo Ma camié bluro é moun calò !... Ah ! paoure ! mi digueri : Polito es qu'un arlèri, Un morpien cougourdié, Un perruquié ! M'oourié leou tratta dé barbare. Dé viei mouzi, d'ome dé ren ? Qué counsoulacien ! Tan dé bei souvè ! Tan dé gran proujè, Qué s'envan en fun, Qué toumboun en frun !..... Tamben ti va foou : Es Dieou qué va voou, As maou mesura tei lansoou ! Lazare, Lazare, Toun fieou es Parisien ! |
Diminge, su la Canebiero, En brasseto dé sei Piarrò, A lou rescontre dé sa mèro, Qué li di : bounjou, tintarlò !.... - Qu'il é don céto Damo, Polito ? - céto famo ? C'é misé Tereson, Notro souion !.... E la Muso ! crèsè qué charre En vian lou frui dé l'embicien Qu'es ma puuicien ! . . Aquel estorneou, Marchan d'estampeou Èier su lou quei, Bouffan coumo un Rei, M'es vengu turta Senso mi parla E lei coulèguo dé canta : Lazare ! Lazare ! Toun fieou es Parisien ! | ||
Sei botto, qu'an gé dé tacheto, Ti trooucarien mies qu'un guiouné; Sei braïo sembloun douei brouqueto Vo douei petadou doou Cané. Lou quar d'uno faquino Li bïo leis esquino; Su la testo a un orsoun Lei puou en lon !.... Un saïou, bouen ! basto qué carre; Mai l'abi dé la coumunien, Qué tron d'invencien !.... Sei dé soun plaqua Dé gan enciera ; Pouarto un mantelé Dé cascarelé, Qu'a memo façoun Qué sé Teresoun Mettié en coulas soun coutïoun !.... Lazare, Lazare, Toun fieou es Parisien ! |
S'arrapo à l'uei coumo arapedo, Vo bindouço su l'estouma, Oou bou d'uno chasso dé sedo, Un mouceou dé veire carra. Seis ounglo, su l'espalo, Ti mantendrien la balo , Mai qu'un bé dé jaquò Ti fan lou crò !.... Lou matin , foou qué si prepare ; Foou qué s'escure leis arpien Uno ouro lou men; Pui si fa rasa; Pui si fa frisa; Pui quan a lou su Lis é ben vouignu, Ti parte en viran E va samenan Mai dé prefun qué Demoussian !.... Lazare ! Lazare ! Toun fieou es Parisien ! | ||
Quan l'entendi qué si pessuguo Dé poou dé lacha quaouque escar, Ma facho es pleno dé beluguo : O beffe ! espliquo-ti doun clar ! Sabè pa sé galegeo; Diria qué bartounegeo A sangea soun fielé Contro un siblé.... Foou qu'à la longuo si repare L'assan de la prenounçacien, E sarro leis den !... Aprè quienze mes, Doou bouen Marsïes Soou plu degruna Lei mò tan grana ! Moussu l'Alleman ! Li parles crestian E demando lou droguoman !.... Lazare, Lazare, Toun fieou es Parisien |
Dé secrè per faire fortuno, N'en soou, apparo lou couffin ! En si proumenan din la luno Crei accampa dé gro bouffin. Tooulié qué conto à milo, Mai qué Moussu dé Pilo, Fabriquo lei milliar Dé soun sicar ! Doou jus dé coude s'es avare, Espragno pa sa prouvisien D'enmaginacien. Desticulara, E carculara Qué mei quatre soou Mi cousteroun troou ; Qué per englouti Dé poulé resti La qué d'avé gros appeti.... Lazare, Lazare , Toun fieou es Parisien ! |
S'es coumo aco qué leis adouboun Dins aquel affrous Paradis, L'aze mi quïe sé l'escouboun Lei petouro doou caguo-nis !.... L'einè, Dieou t'amancipe; Qu t'a fa qué ti lipe ! Dé bedin dé bedò, Vai ! saouto oou clò ! Fran qué la maigro noun separe, Ti li veirai à la racien, Cassaire d'engien, Amo en ploun massi, Mié-fooudieou passi, Ingra croyançur, Fenian, sot emblur !.... Voues qué toun bouné Si counserve né, Foou qué Jané reste Jané !.... Lazare ! Lazare ! N'as troou d'un Parisien ! | |||
Juilet 1840. |
|