Puto dé mouar ! es-ti poussible ! Si nega dedins un pechié ! Oou trebuque lou pu vesible Sieou pesca per un bregadié !... Gaspar, toun souffre eme ta colo Va poues jita ei chin ; Lei gardi dessu cen mieirolo T'an me lou grampin !... Mourrai qu'un coou se passi moun morbin ; Mai dei gabian foou que vigui la fin !		A cabrimè su la demito Qu'escaro Ion dei boulevar, Avieou un agachoun aquito, Mounte oourieou agoutta la mar. Bouen, pa chier, é grosso mesuro: La flou dei mouissoun Li devessavo lei doubluro Dé touei sei boussoun... Mourrai qu'un coou se passi moun morbin, Mai dei gabian foou que vigui la fin !
	Eme dé tèlo enqintranado Din ma croto avieou fa un coundu Qué dé defouero, à la voulado, Emplié mei bouto senso embu. Quan l'embulan tavanegeavo, Dessu l'embruni, Tranquille, Gaspar si soungeavo : Oh ! li poues veni !... Mourrai qu'un coou sé passi moun morbin ; Mai dei gabian foou qué vigui la fin !		Mon proumié chimur dé boutïo, Espien paga per mi tira, Tan mi chaspo, tan mi choourïo, Que fenisse per m'entarra. Coumo un couscri dessu la taoulo L'atabli moun jué; Lou secrè dé ma gatamiaoulo Leou-leou sigué cué !... Mourrai qu'un coou se passi moun morbin ; Mai dei gabian foou que vigui la fin !
	Doou ten que secavi ma miato, Aouzi un bastreinglo san parei ; L'embulanço arribo é m'esclato Ma guinguèto oou noum dé la lei. A la testo dé la bregado, L'espien, moun bourreou, Encitavo sei cambarado A faire bordeou ! Mourrai qu'un coou se passi moun morbin ; Mai dei gabian foou que vigui la fin !		Ai vi lei sorda dé la soundo, A fueq-à-san din moun celié, Faire péta toutei Iei boundo, Espessa tou moun moubilié ! Lou chooupin doou chan dé bataïo V'oourié fa gémi : Moun vin, en gisclan dei futaïo, Avié gé d'ami ! Mourrai qu'un coou sé passi moun morbin ; Mai dei gabian foou que vigui la fin !
	Dien qu'ai mérita la poutenci En faribustegean l'Ooutroua, E sieou esta la prouvidenci Dei mesquin, graci à mei benoua. En tooussan à dous soou lei miegeo, Qué dé pies tara, Per s'estre gava dé bouregeo, Ai reviscouria !... Mourrai qu'un coou se passi moun morbin ; Mai dei gabian foou que vigui la fin !		Eh, vouei ! vivo la controbando ! A jàbo oou men soou desparti Lei ben que lou cielc nou mando : Lou paoure a dejà troou pati. Quan, faoulo d'un chiqué, s'estigne Dins un maou dé couar, La crèmo dé soun san vou tigne Vouestei papafar !... Mourrai qu'un coou se passi moun morbin , Mai dei gabian foou que vigui la fin !
	Tou moun beou gazan que li passo Entre coupïo é jugeamen ! M'an arrouina, Ici chiquo-estrasso : Mai que n'en fan dé tan d'argen !... Moun paqué dé bïé dé banquo, Tou, ver é madu, Lou frui dé vint an dé nue blanquo, Tout es counfoundu !... Mourrai qu'un coou se passi moun morbin ; Mai dei gabian foou que vigui la fin !		Aquelo conto ! li la gardi ; Proun vo tar mi revengearai. Es pan benezi dé tua un gardi : Sieou flesavia, m'en souvendrai ! Senso ana champeira dé jugi Per puni Judas, Li voueli deraba lou fugi E rouiga lou nas !... Mourrai qu'un coou se passi moun morbin ; Mai dei gabian foou que vigui la fin !
Octobre 1847

.