Lou Miroramo

Air: Au seuil noir de ces vieux portiques.


Aven reçu sa santo estreno :
Un jué dé pes ben pounçouna ;
Troubaio propro à rançouna
Lou jas é la gareno.
Dé tron dé noun empachatieou
Qué degun li coumprendra gouto !
Leis an tira, m'a di Pecouto ,
Doou catachiarme dei Judieou !
En m'en serven perdi moun amo ;
Foou pacho eme quaouque demoun :
N'an empega lou Miroramo ;
Jèsu-Maria ! paouro Mioun !
Lou recalieou dé ma cassoro
M'escaoumo plu ; sieou vieio à bou ;
E per emprendre soun babou
Mi fourrié ana à l'escoro !
Farieou beou veire, à la Tata,
Su Santo-Croua, promier article,
Braquan mei resto dé bericle,
E vin tetaire à mei cousta !
Sabi pa, mancou, d'uno damo,
Dire en Francè lou coutioun
E n'empega lou Miroramo !
Jèsu-Maria ! paouro Mioun !
Es feni : per lou samentèri
Din quatre jou quiti moun ban.
Segu mi pourrira lou san
Soun bourreou dé mistèri !
Ten benurous qué mi visies
La priouresso dei Partisano,
E l'esclussi dei pu Gacano,
0 ten dé glori ! mounté sies !
Dezanzado doou Tiroramo,
Qué m'avié chapa lou bouioun,
M'an empega lou Miroramo,
Jèsu-Maria ! paouro Mioun !
Nouesto vergo èro pa proun drecho,
Dé la redreissa prenoun souein;
A nouesto mancho an mes un pouein ;
Ero pa proun estrecho.
Mai elei, mestre doou poudé,
Ren li bridara sei caprici :
Su sa balanço dé justici
Pourran toujou douna doou dé....
Aco n'en soun, dé finei lamo !
Ah ! fai benoua d'un quarteiroun :
T'an empega lou Miroramo !
Jèsu-Maria ! paouro Mioun !
Qu'a fa la lei, a fa l'engambi :
Per fugi lei controvencien
Que ploouran dé soun invencien
En qu foou qué m'arrambi?
0 Gargantuan dé Capourié !
Mai qué v'a fa, la pepelaço,
Qué jusqu'ei mieto dé sa biaço
Li pren, vouesto couquinarié?
L'interes publi leis enflammo !
Coumo gardian dei picaïoun,
N'an empega lou Miroramo !
Jèsu-Maria ! paouro Mioun !
An pensa : plu dé sourdo oourïo :
Anfin, à l'ouro d'ooujordui,
L'aoubre nouveou pouarto soun frui
Meme jusqu'à Marsïo.
- Nani ! lei Carme, San-Loouren,
La Plano, la carriero Novo,
E San-Jan dien qué vouesto esprovo
A jura la guerro oou bouen sen .
Oouzè : pertou lou pople bramo :
Via rire qué lei parpaioun,
E n'empega lou Miroramo,
Jèsu-Maria ! paouro Mioun !
L'escrivan dé la fouen Marouno
Mi di : Coumaire, aco es pa un maou ;
Vou veiré plu toumba doou baou
En croumpan la coutouno.
Din chasque emperi doou gro grun,
Per desbueia la tablaturo,
Lei pes, la lenguo é la mesuro
Senté qué duvoun restre qu'un.
- Coumo ! l'Empèri qué n'afamo,
L'oougea defendre, viei menoun !
N'an empega lou Miroramo !
Jèsu-Maria ! paouro Mioun !
Foou qué la terro si prefounde ;
Quan leis ome dé religien
Soustenoun l'aboouminacien,
Marquo la fin doou mounde !
A bello prècha , moussu Gay,
Ai leis ooussiden d'espouvanto ;
Es entamena, l'an quaranto !
Flourira plu lou mes dé Mai !
Déjà l'angi negre prouclamo
Qué Dieou noun nèguo lou pardoun !
N'an empega lou Miroramo !
Jèsu-Maria ! paouro Mioun !
Janvier 1840.
 

Retour