Ai ! ai ! ai ! dé moun roumatime ! Ei ginous m'an me' lei farrou : Semblo qu'un diable, per mei crime, En si truffan dé mei doulou, Mi gratuzo lei petadou ! La maladie s'announço bruto ; Meis ouesse cantoun catalan... S'enmagino que sieou pa blan, Uno vesino bazaruto ; Courre oou cirurgien à la muto... Eri dedin l'ourrour Quan vengué lou dooutour ; Talamen l'ai lou ti, Que' toujou m'èri di : Sounco vies broussa toun pessin, Qué sentira lou jooussemi, Fèli, leou-leou soueno Catin ; Mai gardo-ti dei medecin !		Doou ten que batieou la campagno Din lou regimen dei febrous, Mouissaro ei pato d'nno aragno, Davan darnié dessu la crous, Lou cirurgien chaspo rnoun pous. Pui visen Catin que plouravo, Li di : vou li sia presse à ten, Ma boueno, aco n'en sera ren ; Mai enca un paon avia la favo, Lou paoure Fèli li passavo ! Se suive mei counseou, Aro respouendi d'eou. Escouta doun eissò Senso n'en perdre un mò !... Sounco vies broussa toun pessin, Que sentira lou jooussemin, Fèli, leou-leou soueno Catin ; Mai gardo-ti dei medecin !
	Via pa qué Fèli si mouzisse En travaian ei tanarié ? Aquito l'imou l'espoumpisse ; Sa viando deven pourridié.... Voou ren per eou aqueou mestié. A quaranto an ooura loi gouto ; Sera bouffi, blème, moullias ; Pourra plu faire carnavas, Pa mancou soouta su lei mouto. Seis esquino faran la voûte. Sera plen de fleiroun, Dé berbi, dé carboun ! Dei coou d'arno , sa peou Ooura l'èr d'un creveou !... Sounco vies broussa toun pessin , Qué sentira lou jooussemin, Fèli, leou-leou soueno Catin ; Mai gardo-ti dei medecin !		A l'aveni fourra, ma bèlo, Que Fèli siegue mies souigna ; Que s'enviraoute dé flanèle, Que vague plan dé s'enroouma ; Que si mei nage l'estouma. Foou plu que mange ni marlusso , Ni pouar, ni lieoume, ni cooulé. Ren que dé cuisse dé poule , Dé vedeou, dé pei que si suce !... Catin lou coupo en fen leis usse : Sé fen tou ce que dia, Moussu, sian desavia ! Nou cresè bouenamen, La maire dé l'argen ! Sounco vies broussa toun pessin, Que sentira lou jooussemin , Fèli, leou-leou soueno Catin ; Mai gardo-ti dei medecin !
	L'ordouno d'uno bontïetto D'un siro coulou de safran, Que simplamen uno briguetto Que n'en donnes à n'un crestian, Dé suito li caïo soun san ! Li mescloun, din d'aquelo droguo, D'opion, d'arseni, d'argen-vieou, E ti dien qu'es la man dé Dieou ! Qu'es un baime qu'a fouesso foguo... Tan trouva aqueou leis estarloguo !... N'ai pré qu'un mie cueié, M'a rouiga lou goousié ; Pensa un paou se moun pies Se n'es ensentu mies !... Sounco vies broussa toun pessin, Qué sentira lou jooussemin, Fèli, leou-leou soueno Catin ; Mai gardo-ti dei medecin !		Catin pouarto à l'abouticari Un plé qué degun soou liegi : N'adué dé poudro per lei garri, Dé flou dé caou, d'alun, dé gi, E dé sablo per mi fregi ! Aprè, mi rebouquo lei botto D'emplastre dé grano dé lin ; M'engouarguo doou sonar oou matin Dé sa tisano dé garrotto ; E ti n'empassi dé balotto !... Quan m'a ben sacregea, Ben soouda, ben purgea, Moussu lou cirurgien Parlo d'oouperacien ! Sounco vies broussa toun pessin ; Que sentira lou jooussemin, Féli, leou-leou, soueno Catin ; Mai gardo-ti dei medecin !
	Mi di dé pa ave l'arno enquieto : Que mi fara gaire dé maou ; Souarte dé l'estui sa lanceto, Eme un beou manche dé couraou, Taïa, lu zen, que fasié gaou ! En galegean à sa manièro, M'amarro lei quatre quartié Que coutoun lei mountan doou lié; Pui mi traouquo uno boutouniero Largeo coumo la gatouniero. Soun couteou din moun flan Brulavo, en mi gielan !... Toumberi mita-cué; Visieou rouge !... éro nue !... Sounco vies broussa toun pessin, Qué sentira lou jooussemin , Fèli, leou-leou soueno Catin ; Mai gardo-ti dei medecin !		Aprè siei mes Moussu San-Romo M'a pui lacha ; mai sieou pouri ! Sembli zatamen vun su-omo Qu'a plu qu'à bada per mouri, E soua-disan m'a ben gari !... Ai plu pa un crin su la cabosso ; Per bras douei bletto dé fenou ; Sieou plu qu'un marri peiroou rou. Tou dezanza coumo uno rosso, Pouedi plu marcha senso crosso. Ai perdu lou senti, Lou souen é l'apeti ; Oou mendre mouvamen La tre-suzou mi pren !... Sounco vies broussa toun pessin, Qué sentira lou jooussemin, Fèli, leou-leou soueno Catin; Mai gardo-ti dei medecin !
	Fin finalo dé sa manuvro, Lou cirurgien, pa troou crentous, Per si paga dé soun ché-d'uvro, Mi mando un certein bïé dous, Qué mi prevoquo un fier degous ! Lou conte soulé dei remedi Mounto douei pielo d'escu noou ; Cen vesito à cinquante soou, Douge louei d'or per très assèdi ; E su d'aco pa un liar dé crèdi !... Din la gorgeo doou lou, Ieou, bouen travaiadou, Qu'èri dessu meis uou, L'ai leissa ton lou puou !... Sounco vies broussa toun pessin, Que sentira lou jooussemin, Fèli, leou-leou soueno Catin ; Mai gardo-ti dei medecin !		Quari uno besti es pa troou lesto, Chin, ga, buou , moontoun vo chivaou, Fran d'ave tout-à-fè la pesto, Emé la dieto é lou repaou, Si passara doou manechaou. E l'orne malaou s'abandouno A la graci d'un arpagoun, Que per li chiqua tou soun ploun, Un an oou lié si lou mitouno, Ti Festroupié, ti l'empouisouno !... Ah ! se veen lou malan , Mete-ti leou d'à plan, Fèli, ten ti tapa ; Buou d'aiguo, manges pa ! E se vies broussa loun pessin, Quan sentira lou jooussemin, Fèli, leou-leou soueno Catin ; Mai gardo-ti dei medecin !
avril 1843