MARTEOU. | ||
Air du vaudeville de Jean Monet.
En vert, passages "censurés" lors de la seconde édition... |
Moon capourié , Meste Oouraci , Mi di : Marteou , paoure enfan As uno foutudo graci A cousta dei femelan : Quan Cité Vo Zovè Ti quistoun quoouquei babetto , Tu li vas garça dé couetto !... Qué voulè ? sieou un capoun ! Foou l'amour à coou dé poun. |
Ieou qué vivi din la fanguo , Esten curaire dé pous , M'istarié dé fa la languo Coumo un lisqué d'amourous!... Dia : Marteou , Qué bourreou ! Toujou pessuguo é boustiguo , Turto , quicho, mouarde , embriguo... Qué voulè ? sieou un capoun ! Foou l'amour à coou dé poun. | ||
Sabè ben qu'emé d'estoupo Si fa gé dé tafeta : Ai l'uei moudourrou qué coupo, lou goousié plen dé tarta ; Ai lou ges De l'enves, Ia peou negro à l'arpo rudo Sieou pu bru qué mei cornudo ; Qué voulè ? sieou un capoun ! Foou l'amour à coou dé poun. |
Sieou bastar coumo moun pèro : Qu m'oourié mubla lou su ?... Quan lou fam tuegué ma mèro , A douge an , mettieou dessu : Ni soulié , Ni camié !... A sèt an eueieou dé petto ; A vin , poussi lei brouvetto. Qué voulè ? sieou un capoun ! Foou l'amour à coou dé poun. | ||
A Jarré , per Pandecousto , Per Pasquo , lon doou Bachas , Din lei roun mounte si goustu Voou debooussa lou frecas ! Per San-Jan , A Maïan , Voou apaïa leis Alèio Dé ginesto é dé pansèio... Qué voulè ? sieou un capoun ! Foou l'amour à coou dé poun. |
Per derraba la cassïo , Senso li dire : ooublizè A la fïo pa tau fio Qué ereido : fenissè ! fè ! Un nebla Poou mouela ; Mai un ferri dé cervèlo Beou qu'aouve : grègou! baeèlo!... Qué voulè ? sieou un capoun ! Foou l'amour à coou dé poun. | ||
Ieou dirieou : " Madameisèlo Crèsi qué m'avè enmasqua : Si poou-ti restre tan bèlo ! Vè ! sieou orne à n'en brequa ! " Li vieou blu ; " Mangi plu ; " Chasquo nué dé vou pantaï , " Sé vou vieou passa , varaï ... Oousso-anen sieou un capoun ! Foou l'amour à coou dé poun. |
leou dirieou : " Ma santo facho , Lou tiqueta dé moun couar " V'es cooucieb qué sé fen pacho , " N'ai per la vido é la mouar ! " Bouen nini, " Soouva-mi! " En pounchié couta dé chapo " Contro moun pous qué s'aclapo !... Oousso-anen sieou un capoun ! Foou l'amour à coou dé poun. | ||
Bouen nini farié l'escouto Oou chila dé meis apeou. Ah-tè ! la campano es routo Vai ti fa roumpre , Marteou Ti va foou , Patatoou! Fignoulaire dé tendresso , Traouques din la secaresso ! Oousso-anen sieou un capoun ! Foou l'amour à coou dé poun. |
En fen vira ma carrèlo , Quan dé coou mi sieou cresu Qu'un jour dei pieouzèlo Pastissa lei cuou-cousu !... Sian esta D'abeta Dé dormi doou ten dei pâto!... Aro qu'a mangeoun si grâto!... Qué voulè ? sieou un capoun ! Foou l'amour à coou dé poun. | ||
Mai espouscara, la flamo, Sounco von lou gro pelaou ! En chooupinan lei madamo, Li mooustraren sé sian caou ! Fat menin Dé satin L'escarteira lei membruro, Oh ! dé Dicou ! qué jouissuro !... Qué voulè ? sieou un capoun ! Foou l'amour à coou dé poun. |
Sieou groussié coumo un pan d'ouardi ; Sieou pu ferouge qu'un lou; Mai sé graffini, sé mouardi, Es-ti ma faouto , aprè tou ? Mounte soun Lei liçoun Què m'oourien rascla la grueio ?... Que s'apren dedin lei sueio ?... Qué voulè ? sieou un capoun ! Foou l'amour à coou dé poun. | ||
Octobre 1854. |
|