MARLUSSO | ||
AIR : Je n'ai point vu ces bosquets de laurier. |
Escrieou d'abor dé l'ancro doou tinchié : Voou mai pourri qué resta din la Chino !... 0 Booutuza ! tout orne senso un pié , Dessu la terro , es un mouar qué camino !... Quan pourries estre un miraou dé putan , As mïou sen enca qué boueno mino ; Sies du , sies jouine é sies gro travaian ; Dieou t'a prouvi doou couteou é doou pan : Per qué jamai degun t'esquiche , Booutuza, moun bouen, fai ti riche. |
Ti voueli ben : sabes qué si sian vi Cuou é camié , trei crous , eme toun paire ; Quan tremounté , sigueros moun pupi ; T'ai mes ei man l'agueio d'embalaire... Veici ion ten d'encouarda toun balò. Vies gé dé fleou , vui, din lei calignaire ! Tou morvelous cerquo un pichoun calò : Malur à tu sé faoutes lou gro lò ! ... Per qué jamai degun t'esquiche , Coumpren Marlusso , é fai ti riche. | |||
Sabes quan voou l'estrasso é lou lingar ; Mai songes-ti quan l'a dé merevïo Din lei toundu qué fan ben lou peirar Din lei roussé. coulou dé la cassïo !... Aquelei louei qué garçoun àà paqué, Tan dé tranto-an , su l'ooussin d'uno fïo, E qué souven juguoun contro un mouqué, Sé n'as besoun, vai n'en quèrre un saqué !... Per qué jamai degun t'esquiche, Coueste qué coueste , fai ti riche ! |
Din toun carrè , balalin-balalan , S'à n'un ressaou toun coli si destaquo, As troou d'espri : t'attrovoun massacan ; Sies un souleou : ti trattoun dé moucaquo; As un couar d'or : dien qué sies un ingra !... Oh ! mai qué vici é qué chancre , sies taquo Qué s'en-va plu, paoureta ! paoureta ! D'un amperour faries un abeta !... Per qué jamai degun t'esquiche , Coueste qué coueste , fai ti riche ! | |||
Troves vin bras à pousqué t'apuya , Sé sies maqua d'un tuoule per carriero ; Mai s'as foundu, sé ti vien espïa, Adieou secous, pounchié , coulèguo é frèro !... Lei bei premié sentiras tei paren T'escarrassa dé sei den dé vipèro ! Ensin lei lou , quan la ragi li pren , Mangeoun lei sieou qué toumboun en courren. Per qué jamai degun t'esquiche , Coueste qué coueste , fai ti riche ! |
Per ti gari l'enroouma doou cerveou , Alor, plu gé dé troué dé rescalissi ; Gé dé counieou qué lipe toun morveou ; Gé d'ami fran qué Li rende justici !... Gé dé maneou , tampaou , senso tresor !... Mai s'an mouien d'estraia tei brutici, Dé t'aplati , d'enverina tei tor , Seran brutaou lei San-Jan bouquo d'or ! Per qué jamai degun t'esquiche , Coueste qué coueste, fai ti riche ! | |||
Buves ta tasso oou cafè doou Bloundin ; Su tei repas ti foou ben uno pipo ; Dé tens en ten vas ei Frèro-Martin Escotisson partagea quaouquo fripo. Dé la galèro aco poou counsouela ; Mai lei cacan li vien ren qué falipo : Sies mesteiroou , neissu per emballa , Ramo , manias, é penses pa oou challa !... Per qué jamai degun t'esquiche Coueste qué coueste , fai ti riche ! |
Lou fré , la fan , n'en foou avé pati Per saoupre plagne un paoure din sei peno. Dé tei chacrin s'estoumagara-ti, Aqueou poupu qué tou l'an fa carèno !... Dé lou prega fai simplamen lou ges, Tambourinan dei dé su sa bedèno , Lou mourre é l' uei boudenfle dé mespres , Ti cantara : qué mi voues ? qué mi dies ?... Per qué jamai degun t'esquiche , Coueste qué coueste , fai ti riche ! | |||
Su tei cepoun ti veirien esparra , Sonies mortaou coumo Guichar l'ibrouigno; Oouries la pesto , oouries lou colora , Quinto-e-quatorze , é la gale , é la rouigno : Dieou pa dé noun , bessai , dé ti fugi Qu'uno boueno amo aguesse enca vergougno; Mai s'uno fé saboun qué sies fregi, Fas poou , fas maou , fas degous, fas rougi !... Per qué jamai degun t'esquiche , Coueste qué coueste , fai ti riche ! |
Alor,, n'en poues espera , dé salu ! Viroun dé bor tou roun , diu lei travesso ; Oou ciele nieou ti fissoun dé pouein blu ; Gé d'esquiroou iei trepasso en souplesso. Ti vien veni dé lun ? prenoun lou trò. Li vas d'à proué ? pougeoun eme finesso... Tu , benezi, blede coumo Piarriò , Oougearies pa mancou li lacha un rò !... Per qué jamai degun t'esquiche , Coueste qué coueste , fai ti riche ! | |||
Fai ti sensaou dei devò pistachié : Lou subrejou trevo-mi leis egliso Saouço toun fron dedin lei benichié Lei piquo-pies ti soouvaran la miso... Per escala d'unei devessoun tou , Mai lei sautas dieu qu'es ullo soutiso : Qué dei douei man rapiamus en douçou , N'a tan qué foou per nouza soun pecou !... Per qué jamai degun t'esquiche , Coueste qué coueste , fai ti riche ! |
Din lou bouenur counservo toun aploun. Es pa lou tou d'encapa dé bei rode : Ooublides pa, s'acampes fouesso ploun, Qué lou parterro es un animaou drole. Per fa sa verso, un lour descadena, Aimo surtou qu'un gardian lou cajole. Ensouven-ti qu'à con milo fena As toun ben-estre à faire pardouna ! .. . Per qué jamai degun t'esquiche , Fai ti brave , sounco sies riche. | |||
Lei malurous, à toun entarramen , Lou peze gro , ti faran la counduito. Lon doou camin , qué dé benedicien Ti mandara , lou mounde de ta suito !... Ieou , à ma mouar, l'ooura gaire dé doou ; E tou beou jus sé diran trei menuito : Tè-vè ! Marlusso a plega ?... li va foou ! ... Ero , aprè tou , qu'un viei mandian dé troou ! ... Per qué jamai degun t'esquiche , Booutuza , moun bouen , fai ti riche ! |
Janvier 1854. |
|