Lou Chin-nana-poun.

air : Je suis maître d'équipage.


D'un viagi dé milo lèguo
Pu luen que lou fiermamen,
Revenieou ver lei coulèguo
Dé la Vileto é d'Aren .
Touei meis encian cambarado,
Sablounié vo pescadou ,
Mi douneroun serenado
En soupan co dé Rebou.
L'agué de cur : si canté l'anrièto ;
Dé saoutenler jugueroun doou viouloun ;
Mai qué dien sei salineto
Per lou matalo Troumbloun ?
Gé dé mesiquo basseto
Senso lou chin-nana-poun,
Moustou lou chin-nana-poun !
Osquo ! lou chin-nana-poun !
Lou lendeman, coumo quatre
Countan dé mi regala,
Mi remouquonn oou Gran-Tiatre
Mounte dounoun l'opera.
Mi dïsien : qu'untei cantaire !
Tou d'avouas doou fué dé Dieou !
E dé fremo , bouen coumpaire,
Que fan la barbo ei chichieou !
La basso-taïo a un crus d'uno barriquo
E l'aouto-contro un piveou dé loutoun.
E pui oousiras la cliquo
Dei troumpeto é dei rounfloun ! . . .
- Gé dé basseto mesiquo
Sensu lou chin-nana-poun.
Osquo ! lou chin-nana-poun !
Moustou, lou chin-nana-poun !
Acoumençoun soun ooubado :
La fumèlo fa lou ga,
Vo buou à la regalado;
L'ome a lei miraou creba :
Soun duor es su la rodo :
Foulié per lou sousteni
Dé tirassur dé coumodo;
Mai visia qué d'agouni !
Leis abiqué creidavoun : c'è maziquo !
Aplooudissien à s'enfooucha lei poun !
Ieou mi chaspavi la biquo ;
Mai mi fasié pa mangeoun.
Gé dé basseto mesiquo
Senso lou chin-nana-poun.
Osquo ! lou chin-nana-poun !
Moustou, lou chin-nana-poun !
Tout aco voou l'abitudo :
Oouré bèlo v'estudia ;
Vou fourra toujou d'ajudo
Per pousqué ben va destria.
Jouïssè ; vou voueli creire ;
Maï alor d'ounte preven,
Dessu tan qué va van veire ,
Qué fouesso li sentoun ren?
Cadun coumpren lei cavo manufiquo :
Berbi, pastras, moussi, mestre, segoun.
Lou souleou, qu lou cratiquo?
Lei sour aouvoun lou canoun !
Gé dé basseto mesiquo
Senso lou chin-nana-poun.
Osquo ! lou chin-nana-poun !
Moustou, lou chin-nana-poun !
Magina vouestei cantuso
Su lou pouen, quan leis unié,
Lei pla-bor é la cambuso
Crenïoun dé brefounié.
Magina dé contro-basso,
Dé tiro-vin, dé fluité,
Eme aquelei brando-biasso
Qu'amoueloun tan ben l'arqué ;
E diga-mi, sé sabè la fusiquo ;
Curbira-ti l'aragan, soun voun-voun?
Lou bouffé qué Dieou fabriquo
Soueno mai qué cen bassoun.
Gé dé rouanflanto mesiquo
Senso lou chin-nana-poun.
Osquo ! lou chin-nana-poun !
Moustou , lou chin-nana-poun !
Mai vengué lou ciele en lagno
N'embornia dé seis uiaou,
E touqua su la mountagno
Lou tambourin dei grapaou ;
La chavano si desclaro
Lou soou tramblo souto ieou,
E moun founfoni fara encaro
Dire cebo oou tron dé Dieou !
Assagea un paou sé poudè ana dé piquo ;
Freta vou-Ii, roussignoou dé saloun !
Per sibla voueste cantiquo
Dé bouenasso avè besoun.
Gé dé basseto mesiqno
Senso lou chin-nana-poun.
Osquo ! lou chin-nana-poun !
Moustou, lou chin-nana-poun !
Vou fa reboumba; vou touesse ;
Vou grato lei cascaveou ;
Jusqu'à la meouio deis ouesse
Vou trepano lei bouteou.
Pouigne tan lou caguo-ei-braïo
Qué si cardo coumo un lien.
Ti-n'a gagna, dé bataio,
Despui la revoulucien !
A l'estrangié n'a foutu, dé couliquo !
Ti n'a destrui, dé raquin dei Pountoun !
A chapla lou Brètaniquo
Mies qu'un troué dé canioun.
Oh ! la basseto mesiquo
Qu'es aqueou chin-nana-poun !
Osquo ! lou chin-nana-poun !
Moustou, lou chin-nana-poun !
Octobre 1839

Retour