Lou boues de CUGEO.

AIR : du Juif errant, de Labarre.


Ti va dieou : mi voues pa creire,
Ro, sies testar coumo un muou !
T'attaques è Moussu Peire,
Ro : li leissaras doou puou !
Ro, l'a gé dé boues dé Cugeo
Piegi que noueste palai ;
Quan es lou gouapou qué jugeo
Lou paoure a toujou lou fai !...
Lu mi va rena ;
Mai avieou troou la ragi
D'ana oou viagi ;
E sieou coundana
Per trei jugi corna !...
Enragea, pleidegea :
Sia jugea : sia grugea !
leou m'engini, viri, vogui ;
Ai moun foun dé milo sa ;
A cin soou pèo lei logui
Per lei negoucian dé bla.
Mi n'en pren quaranto pocho
Moussu Peire, dins un mes ;
Leis estraio, é d'anicrocho
Mi paguo, quan sian oou près...
A n'un tan gro pei
Li garca l'ensacado,
Tarounado !
Mïou mi parei
Lou secous de la lei...
Enragea, pleidegea :
Sia jugea : sia grugea !
Doun, voou prendre la counsurto
D'un orne dé gabiné ;
S'espliquan, é n'en resurto
Que moun fatou es clar é né.
Dé soun counseou dé judici,
Oou proucurour, d'en proumié,
Per gramaci l'escupissi
Trento rodo dé darrié.
En sorten mi di :
Bouto, leisso mi faire,
Seras fraire.
Toun couquin mooudi
Ti l'anan espedi...
Enragea, pleidegea :
Sia jugea : sia grugea !
L'avouca taïo sei plumo,
Graffino sei gran cayèr,
E la barbo ni n'en fumo,
Tan es beou soun pledoyèr.
L'ussié que gueiro la volo,
Dé plesi freto sei man.
Lou papié marqua barrolo ;
Que dé nègre su dé blan !
N'oourié dé que empli
Uno largeo paiasso
A douei placo ;
E , fisa vou-li ;
L'atroubaria pa un pli !...
Enragea, pleidegea :
Sia jugea : sia grugea !
L'ai sentudo, la moustardo,
Dé Nouvè jusqu'è San-Jan !
Ni n'en ai mounta, dé gardo,
Din sei bureou d'escrivan !
M'emprenien lei reveranco ,
Entandooumen, chasque jou ,
Mi tiravoun, lei gavanco,
Sei fusado dé loungou !...
Que dé roumpimen
Dé testo ! dé despenso,
Dé pacienco !
Que dé san bouien
Avan lou jugeamen !...
Enragea, pleidcgea :
Sia jugea : sia grugea !
La questien dé mei dardèno
A la fin ven è prepaou ;
Lou brandaba s'entameno
Vis è vis doou tribunaou ;
Mai d'un paire dé famïo
Quan l'esclarcissoun lei dré,
Touto la chiurmo roupio :
Qu'espéra dé douarme-dré !...
Tamben, lou madu,
Lou cheffe de la bando,
Non remando ;
Di : tout entendu,
Sies tu, Ro, qn'as perdu !..
Enragea , pleidegea :
Sia jugea : sia grugea !
La facho negro dé sugeo,
Escambarlan un abroué,
Lou voulur doou boues dé Cugeo
Oou men t'arribo d'aproué !...
Sies piastra, voues ren entendre,
As toun couteou é bouen bras ;
Sia solé, ti poues défendre :
Lou sagattes é t'en vas !...
Oou palai, lou fus
De ta minco fortuno
Si degruno :
Foou resta chutus,
E sorti nus é crus !...
Enragea, pleidegea :
Sia jugea : sia grugea !
Ah ! qué l'avicou ben pu bèlo,
S'eme quatre coou dé poun,
Avian fini la querèlo,
A la modo dei capoun !
Qu'arrisquavi ? quaouquei boffo ?
Douei rageado dé boudin ?
Doou capeou la vieio coffo ?
E passavi moun morbin !
Mai dé sei varbaou
S'embcndèli la plaguo
Qu'estoumago,
Un tian d'aiguo-saou
Garira pa moun maou !...
Enragea, pleidegea ;
Sia jugea : sia grugea !
Gagnoun la crous dé mérite,
En fasen aqueou mestié !
Ah ! pu leou manda Iei vite
Oou poussieou, su d'un fumié !
Que li rounfloun è soun centre,
Portaran tor en degun ;
Si doublaran plu lou ventre
De la peou d'un paou cadun !
Davan l'enemi
Tou sorda que soumïo
Si fusïo ;
E d'apoustumi
Decoroun dé momi !...
Enragea, pleidegea ;
Sia jugea : sia grugea !
La mangeanco qué noun saouno,
Fè mies, fè n'en dé lampien !
Dé soupre la camié jaouno
En tout aquelei payen !
Planta lei oou bou dei biguo
En rangiero, ton doou Cous ;
Sounco lou fué lei coutiguo,
Lou pegoun sera moustous !
E qu'en souveni
Dé l'isemple esfrouiable,
Lou minable
Pousque plu veni
Redire è l'aveni :
Enragea , pleidegea :
Sia jugea , sia grugea !
Novembre 1842.

Retour