Leis Aoubre Doou Cous. | ||
AIR : Dieu tout puissant par qui le comestible, |
La frenizien mi pouigne l'avelano ! Ma fé dé Dieou ! nouestei Consou fouirous Vien plu luzi l'estèlo Tremountano : Fan deraba leis beis oume doou Cous ! |
Paourei Mitroun qué la suzou devoro Aquito avian un paou d'oumbro, l'estieou; Nou la leva ! foou doun qué siguen Floro? S'anan resti , Caramantran dé Dieou ! | |
Lou jou, la nué brazié su la casaquo : Avan la mouar seren dedin l'infer ! Coumo voulè qu'aganten pa la flaquo ? Es troou verai : lou fué lacho leis ner ! |
Sé quaouquei fé s'atrouvan en patrouio, Enchancrissian , doou diminche oou dilun, A l'aveni dé longuo faren chouio ; Leis bossou van nou seca lou petun. | |
Leis passeroun anaran eis Alèio Per s'espragna la ragi doou souleou ; Mai leis Mitroun è leis fïo à lieourèio Mounté pourran faire soun San-Micheou ! |
Leis Bouquetiero, eme, seis grans estori, Seis parapluegeo é seis gouarbo dé flou, Deis viei cepoun perdran leou la memori ; Naoutrei , qu'oouren per carma la doulou ? | |
Pamen lou Cous èro noueste eiretagi ; Dé pèro en fieou, despui deso-sè-cen, Si li venian refresca lou couragi , Faire dé testo , è chima l'eigarden. |
Oh ! lou morbin mi pouigne l'avelano ! Ma fé dé Dieou ! nouestei Consou fouirous Vien plus lusi l'estèlo Tremountano : Fan deraba leis beis oume doou Cous ! | |
Lou gro Loouren, noueste mestre dé palo, Mi di : Jourian, qué serto dé brama ? Ieou ti la voou amouessa, la cigalo : Escouto-mi ; seras leou clavela. |
Pitoué, s'avies un pessu dé lituro, Soouries d'abor qué teis cavo tan aou Soun dé taceou davan l'architeturo Qu'an desparti su lou fron deis oustaou. | |
Demando vo eis taiaire dé peiro, Qu'es soun mestié; elei ti va diran : Quan voou basti qué l'architètro gueiro Per fin qué ren li tape soun davan. |
Nouesteis encian feroun uno falipo ; Oourien degu leissa tout aco nus ; V'a leou coumpré , tamben , Meste Felipo ; E nous a di : vite oou soou aqueou brus ! | |
Figuro-ti la bèlo proumenado, Sounco lous Cous sera debaguegea ; Què dé pertou l'oouran mé dé calado, Què li veiras l'agazo lampegea ! |
Lou souar, alor, sé vas eme Rouseto Su leis bancaou, caligna, darnagas ! Lei passeroun ni mai leis dindoureto Ti vendran plu caga dessu lou nas. | |
Teis aoubre, pui, avien toutei lou verme ; Enca siei mes tou serié esta pourri : Va sabes ben qu'ero rouiga , soun germe ? Va visies pa coumo eroun nequeri ? |
Leis an toumba per ti soouva la trouncho ; N'ères temouin : quan venié lou mistraou, N'avié toujou quoouqu'un qué partié en pouncho. Vai, proun vo tar t'oourien mé à l'espitaou ! | |
Ensin, Jourian, creze-mi : resto à nuno. Sabes qué sieou jamai esta rouyous ; Mai an resoun leis Prieou dé la Coumuno Dé coundana leis viei oume doou Cous... |
--- Pèro Loouren, vou parla coumo un libre ; Ieou, pouedi pa m'espliqua din lou fin ; Mai, foutu-Dieou ! es-qué sian doun pa libre Dé si lagna, s'aven lou gro pegin ! | |
Senso cerqua leis uei darnié l'oourïo Vou respoundrai : qu'es aco tan courous? N'avian pa proun dé carriero, à Marsïo ? N'avian pa proun dé gran camin pooussous ? |
Leissi pima davan d'uno muraio Cademicien, pintre vo frejourié : Leis beis oustaou, qué soun per la gusaio? Qu'es, dé pilastre, oou garçoun boulangié ! | |
Eimarié mies lou fuiagi d'un aoubre, Quan la calou li ven leva l'aren Qué vin palai dé frejaou é dé maoubre Toutei raia coumo un cuïé d'argen. |
Qué mi canta dé saven, dé beluro ! L'ai oouzi dire en aquelei booumian Que lou mïou ché-d'uvro dé mouluro Es ren, respè doou dedaou d'un aglan ! | |
Dia qué leis oume avien plu gé dé sabo ; Pamen , n'ai vi toumba deis tres par doues : Avien lou couar pu rouge qu'uno rabo ; E de ma vido ai vi tan flame boues ! |
Meste Loouren , vè ! coouqua fouero l'iero Perqué via pa mounté voueloun veni : L'aven fa poou eme nouesto bandiero, E lei foussa cerquoun dé nou puni ! | |
V'en souvenè ? quan fé baboou la Santo , N'avièn bourra dessu lei ome blan : Li garcerian uno fiero tramblanto ; Es soun revenge, aco, deis viei bregan ! |
Aro , lou Cous semblo uno lichofroïo Qu'an alesti per nou faire toourra, Dé noueste maou jugnoun lei bouenei voïo ; An seis bastido, elei ,per si challa ! | |
Aro si dien : segu ! voou ben la peno Qué d'espoumpi, boulangié vo maçoun, Qué dé marrias vendur dé chèr umèno Aguoun d'oumbragi oou fouar dé la sesoun ! | Coupa l'aco ! adrou su la canaïo ! Ah ! lei fena demandoun dé plesi ? Grezïa lei ! la marrido peissaïo; Es pla goustous qué quan es ben fregi !... | |
Oh ! lou verin mi pouigne l'avelano ! | ||
Mai 1839. |
|