Si , qu'èro un ome aqueou paoure Espinassi , L'oste doou pouen per dessu San-Maceou ! Un demama , qué lei sabié , sei graci !... En tarounan , dessouto soun capeou Si li poudié cueï dé bouei counseou. Lei carbounié , qué n'avien l'abitudo , Per remisa co d'eou venien en jun , Coumo s'avié douna civado é fun ; E mi disié : voues trouva fouesso ajudo, Li ? foou avé dé besoun dé degun.		Disié tamben : voues surveni ? travaïo, E sigues Tur , pitoué ! per separa La nué doou jou l'a pa gé dé muraïo. Ti fas agneou ? lou lou ti mangeara. Toujou la peiro oou clapié toumbara. En masquegean lei mountado soun rudo ; Maï rouiguo men la suzou qué l'alun ; E pui , oou bou , ti vies su toun trentun ! Din lou jambin voues trouva fouesso ajudo , Li ? foou avé dé besoun dé degun.
	Jouven bounias , alor, per lou plouraire Doou vo tres an la routo avieou tengu. Varlet é gus , mi soucitavi gaire D'aquelei mò, ben vertadié, segu ; Mai desempui m'en sieou ensouvengu !... Lei jooussemin , su moun poouce qué mudo , Dé mei fanfan tigroun lou mascarun, Aro ; é souven redieou eme amarun Din lou jambin voues trouva fouesso ajudo , Li ? foou avé dé besoun dé degun.		Oou cabaré taïavi la vandomo, Es pa un briqué m'oougeavo manteni A moun entour visieou certein fantomo , Qu'avion ton l'èr dé mi vouïé chabi, En servissen ei pountou dé sambi... Su lou tapis la volo es estendudo ; Alor., n'en voues dé saqué, dé varun !... Li , dé mita ? Li , va !... tout en coumun !... Din lou jambin voues trouva fouesso ajudo , Li ? foou avé dé besoun dé degun.
	Sieou vun dei prieou per mounta d'aquipagi ; Rendrieou dé pouein ei pu fin maquignoun. Quan li foou lume ei fiero, ei roumavagi , Leou-leou qué sian coumpaire é coumpagnoun ; E sabi tou : soun contro eme soun proun. Vieiei rounchèlo oou pes dé l'or vendudo , Maigre carcan qué raquoun lou paiun , L'a pa dangié dé n'encapa quoouqu'un ! ... Din lou jambin voues trouva fouesso ajudo , Li ? foou avé dé besoun dé degun.		A Maoumoucha si prenen dé querèlo Eme un testar qué voou jamai coupa. Si senten jus, saouto à la taravèlo ; Boumbi su d'eou ; sigué leou acclapa : Avieou pa agu besoun dé m'estroupa. Entre mei dé ti semblavo uno arudo !... Lei mulatié qué li vien lou tramblun , Creidoun : gran roun ! quicho , Li! zou ! masclun ! Din lou jambin voues trouva fouesso ajudo , Li ? foou avé dé besoun dé degun.
	Per Touei-lei-San avieou carga dé boutto ; Lou gran Gamin dé fres èro empeira : Moun caviié , vis-à-vis dé la Mouto , S'aplanto sé, pisso; voou plus tira. Senso ranfor vai t'en paou demarra ! Fasieou lou lan !.. mei besti soun forbudo. Mouestras dé Dieou !. oou couteou !. tout en frun !. Ai avala ! ... cin ranfor oou lué d'un !... Din lou jambin voues trouva fouesso ajudo , Li ? foou avé dé besoun dé degun.		Un paou pu tar, erian vounze à la tiero ; Tenieou la testo en fen moun penequé Su moun brancan, oou daou dé la Mihiero : Per fè d'azar, en dormen , mi touqué, D'oouzi troutta dé gendarmo un piqué. E doou chaffaou quan la gardo es vengudo , Eri su pè ; mai darrié ieou , ben lun , Lei mou dé fouei fasien soun repetun. Din lou jambin voues trouva fouesso ajudo , Li ? foou avé dé besoun dé degun.
	La counoueissè, bessai , la lei nouvello Qu'ei carrettié n'ordouno lou fanaou : Un souar lou ven m'amouesso la candèlo ; Lou courrié passo é mi dreisso varbaou ; Avieou foutu lou pè din lou mourraou ! Erousamen Neno la poussarudo , Lachan douei mo per ieou à Moussu Brun , Lei proutetour mi roumpoun lou petun... Din lou jambin voues trouva fouesso ajudo , Li ? foou avé dé besoun dé degun.		Un aoutre jou , ben pu piegi canulo ! Per ooublida dé faire sa racien Oou marriassas qué ten la bassaculo , Sa maou empli qu'ai vi mangea dei lien , Ai troou dé pes, sieou en controvencien !... Coumo sentieou moun affaire perdudo, D'un viei gava foou vouigne lou fassun , E sei bureou per ieou fan fuech é fun... Din lou jambin voues trouva fouesso ajudo , Li ? foou avé dé besoun dé degun.
	Toumbi malaou ; pa un porcas mi ven veire ! M'oourié fougu dé gen per mi vïa , Per fa moun lié , per mi pouarge moun veire, Per touesse oou men moun cazò remïa : Noun. Tou soulé mi leissoun bataïa ! ... Quan meis ami juguoun eis escoundudo , Oou gro Cura, per un simple rounflun , Trento pachaou van coouffa dé prefun... Din lou jambin voues trouva fouesso ajudo , Li ? foou avé dé besoun dé degun.		Esten a cuou , m'an refusa lou crèdi E mmanechaou, é charoun, é bastié Faouto dé souein é faouto dé remèdi Ai vi peta moun pu beou limounié, Faouto d'arnes ai perdu moun cordié !.. Dé meis angles , vui cadun mi saludo M'an semoundu lei louei à coumourun : Ai eirita d'un ouncle doou gro Brun !... Din lou jambin voues trouva fouesso ajudo , Li ? foou avé dé besoun dé degun.
Avril 1853.			Retour