CANIS

Tout à la debuto, èro uno nue de Décembre. Veniè de prendre sa gardo dins lou depaus de municioun.
Jouine sòudard, sachè que gardavo que d'auro car, finfinalo, aquest depaus èro vuege despièi long-tèms.
Mai seguissè lis ordre mau-grat lis barbouillage de l'armado : voulié pas aguè de proublèmo.

Fasié soun travai, èro tout...

Après sa virado, faguè uno pause e atubè uno cigaleto. Pipant uno boufeto, regardè lou cèu.

Tout fuguè siau, forço siau...
Enfregnant un pau la counsigno, se boutè lou casco de soun escouto-soulet sus lis auriho e l'atubè.
Es pèr acò que s'avisè qu'un tèms après que lis chin s'agitèron sènso brut.

" Qu'an encaro aquellis besti ?", se demandè

Quand arribè à la chinièro, tout fuguè siau tourno-mai...
Renounciant à reviha soun capoulié, tirè camin moulamen.
Soun service s'acabè à la fin dóu mès, fuguè sa darriero gardo : Pèr de que faire zèle ?

Atubant tourno-mai sa cigaleto, se reboutè à regarda lou cèu. Es alor que la veguè...
Èro un estello que brillavo mai que lis autre.
Embèura pèr sa countemplacioun, ausiguè pas tout-d'un tèms lis chin que s'agitèron tourno-mai e qu'acoumencè à roundina .

Tout d'un cop, toumbè sus Terro, aluminant la niue de soun brusimèn...

".... Acò fai un an despièi aquelo sourno niue que lis chin rendu inteligènt gràci au meteore qu'es toumba sus TERRO soun devengu mèstre de la planeto e que fan règna CANIS ....
.... Raro soun lis ome qu'an résista au terrible jou d'aquest "meillour ami de l'ome" qu'an couneigu finfinalo sa superioureta...
... Quàuquis un coumo ièu se soun amaga dins lou VERCORS se recatèron d'autre ome pendant un autre guerro finfinalo bèn mens terrible ....
... Mai de jour en jour, soun mens noumbrous pèr amor de la carestié e dis batèsto emé lis nouvèu mèstre de la TERRO ... "

" Qu'es acò ? " , demandè lou courounèu
" La bando qu'an retrouba dins soun escouto-soulet . Sèmblo qu'es sa voues ", diguè lou capitàni
" E coumo es ? "
" Toujour ablasiga e silencious . Lis mège ne capisson rèn e an guaire d'espèr ..."
" Que faire ? "
" Pèr crèspino, es ourfelin . Poudèn lou faire desparèisse facilamen."
" Me semblo qu'es la bono chausido . Troubas èu un bon espitau ...."
" Coumo voulès, moun courounèu ."

A segui ?   

Retour